Faatāua e Amata le Masina o le Tofi o Tagata Amerika mai Asia ma le Pasefika
Laumua i Uosigitone – Aso Tofi, O le saunoaga lea mai le Tamaitaikonekeresi ia Aumua Amata e aloaia ai le Masina mo le Faasinomaga o Tagata Amerika mai Asia ma le Pasefika:
Ua mautu le talaaga o le Iunaite Setete i tagata Amerika mai Asia, Hawaii ma le Pasefika. Ua faataalise le lanu ai o le lalolagi ma oa ai le talafaasolopito o Amerika. I le nei masina, ua tatou faamanatu faapitoa ai nei sao fai faatasi mo le Masina o le Faasinomaga o Tagata Amerika mai Asia ma le Pasefika.
E mauaa le sao o autupulaga o tagata Amerika mai Asia ma le Pasefika ua fulu'ula ai le ie o lo tatou malo. Tatou te vaoeseese i o tatou lava atunuu eseese. Ua manuia i tatou i le avea ma vaega o le nei atunuu sili o loo saili e faatāua manatunatuga, le galue punoa'i, uiga ma ituaiga sao eseese uma mai tagata Amerika uma. Tatou te faamemelo i lea faata'ita'iga, ma galue ina ia mautinoa le maua o avanoa tutusa, a o tatou faitau mea taitasi ua faia mo i tatou e le nei malo ua tatou fai malo ai.
Saunoa le Tamaitaikonekeresi ia Amata e faalagi ai le Tofi o Tagata Amerika mai Asia ma le Pasefika.
"O loo molimauina lo outou lelei. O nisi o Tagata Pasefika o loo tautua i le Konekeresi, o ta'ita'i o Amerika mai Asia o loo tautua i tulaga autu i totonu o le taupulega, o nisi i totonu o le Konekeresi, i ai pea nisi i totonu o le militeri, toatele i totonu o pisinisi, a'oa'oga ma matatā faafomai. O le Failautusi ia Elaine Chao na tautua i totonu o le Kapeneta i se vaitau i totonu o le mau taupulega. Ou te manatua le susuga i le Mautofi Sili (Admiral) ia Harris e maualuga atu lona tulaga na i lo se isi lava Sapanī Amerika e o'o mai le aso nei, ma ua avea nei ma Amepasa autu mo lo tatou atunuu. Ae o le tala moni e le o autu i a tatou o loo tautua i le taimi nei le tala; e auga i a tatou fanau. O le faafailelega mai autupulaga na mua i malae o le a mafai ai ona latou ausia tulaga maoa'e! O a tatou fanau, e pei o nisi na ui mai e aoga ma faigaluega i lo'u ofisa, ua tupu ai lo'u loto tele.
Ua tatou faatāua i le Masina o le Tofi o Tagata Amerika mai Asia ma le Pasefika le filigā o ē na folau i le vasaloloa i vaa laiti. Na latou fausia ni aiga e le mafaatusalia, ma o nei uiga tāua ua au mai e o latou suli i le Iunaite Setete.
"Ua lutia i tatou i le nei mala pagatia. Ua masani motu o le Pasefika i le alo faatasi ma ou te talitonu o le a tatou maua i le aleaga faatasi. O le a tatou manumalo i nei faafitauli i lo tatou soifuamaloloina ma le tamaoaiga. O le a tatou maua le laolao ma toe logo ai i tino matagi lelei."
"Ia tatou faamanatu le Masina o lo tatou Tofi! O le fuafuaga a le Atua e tofu i tatou ma lana e fai. Ia ola fetausia'i ma ia outou fealofani."
"Faafetai ma ia faamanuia le Atua ia Amerika faapea ona tagata mai Asia ma le Pasefika. Soifua."
O le ata faasolo o lea saunoaga e maua i nei here.
###