Talisapai e Amata le tala e uiga i Fesoasoani tau Nonoga Tupe e 61 i totonu o Amerika Samoa e ala mai le SBA
Laumua i Uosigitone – Aso Gafua, Ua talisapai nei e le Tamaitaikonekeresi ia Aumua Amata se tala fou e uiga i le manuia o nonoga tupe e 61 mai le Tulafono CARES e fesoasoani i falefaigaluega i totonu o Amerika Samoa e ala atu i le Porokalama e Puipui ai Totogi a le Taupulega mo Pisinisi Laiti.
Saunoa Aumua Amata " O nei seleni e fesoasoani e faatumau pisinisi laiti o loo manaomia ma talia e i tatou le faaauau pea, ma o le faamoemoe lea na faatulaga ai e le Konekeresi lea porokalama. O le isi lea $3.65 miliona agai i totonu o la tatou tamaoaiga faalotoifale, ae o loo faasaga tonu i manaoga e tumau ai pea nei falefaigaluega, o a latou galuega faavae ma totogi o tagata faigaluega. Faafetai atu i nei pisinisi taitasi i le faamalosi au pea ma le faia o faaiuga faigata.
O le ata na pueina i Amerika Samoa faatasi ma Senatoa e to'a lima a le Iunaite Setete na fai ma autu i le Tulafono CARES e ala i Komiti poo tofiga faata'ita'i
O le Porokalama e Puipui ai Totogi na amata e le Tulafono CARES talu ai nei e tali atu ai i le ma'i pesi. I le malo aoao, e silia i le 70 pasene o nonoga tupe e i lalo ifo o le ta'i $50,000 e fesoasoani ai i pisinisi laiti.
Saunoa le Tamaitaikonekeresi ia Amata "O lea sii faalaotu i fesoasoani ma nonoga tupe ua faamaonia e mafai ona faamagalo e faailoa ai e mafai ona lagona e a tatou pisinisi laiti le manuia mai lea porokalama tāua. Na vave le tuufaatasia e le taupulega a Trump ma le Pule o le SBA ia Jovita Carranza lea porokalama talu le Tulafono CARES ina ia faasao ai galuega ma faamautu la tatou tamaoaiga. O le taamilosaga lona lua o seleni mai lea porokalama na toe sui ina ia o'o atu i atunuu e le lava tautua o tuuina atu mo i latou ma e tu mamao, pei o tatou. O loo auiliili le soalaupulega a le Konekeresi i taumafaiga e faaauau ai pea fesoasoani, ma o le a ou galue ia aofia pea ai ma manaoga a o tatou motu."
O le taamilosaga lona lua o nonoga tupe mai le Porokalama e Puipui ai Totogi o loo avanoa pea. E mafai e i latou na talosaga ona iloa le tulaga o lana talosaga e ala i le valaau i le SBA Customer Service Center i le numera (800) 659-2955 pe imeli i le disastercustomerservice@sba.gov.
E tatau ona amata i nei le tele o suesuega mo ni faamatalaga: https://www.sba.gov/funding-programs/loans/coronavirus-relief-options/paycheck-protection-program
O nisi nei o faamaumauga e maua ai nisi faamatalaga:
Coronavirus.gov Small Business Resources Page
Treasury Department Overview On The Paycheck Protection Program
UPDATED: Administration FAQ On The Paycheck Protection Program
SBA.gov/Coronavirus Small Business Guidance & Loan Resources Page
###