Auai Amata i Iloiloga tau Fagotaga, o ana toe teuteuga ma se pili faifaatasi ua pasia e le Komiti

May 3, 2019
Fa'asalalauga Aloa'ia

Uosigitone, D.C –Na faia i le vaiaso nei iloiloga a le Tamaitaifaipule ia Aumua Amata ma le Komiti o Alamanuia Faalenatura ma palota ai i ni pili e aofia ai toe teuteuga na faia e le faipule ia Amata, faatasi ai ma se pili e aafia ai le Teritori sa avea ai le tamaitaifaipule ma se tasi o sui na ulua’i lagolagoina.

Na faia ni fonotaga a le Komiti laititi o le Suavai, Sami ma le Vaomatua e iloilo ai le tulaga o fagotaga i le Iunaite Setete. Maimoa i nei i se vaega o le ata faasolo a o feutaga’i i fagotaga le Tamaitaifaipule ma Seuta’atia Kitty Simonds, o le Faatonu Sili o le Taupulega o loo Faatautaia Fagotaga i le Pasefika i Sisifo.

Congresswoman Amata in fisheries hearingLe Faipule ia Amata i le Iloiloga i Fagotaga (Komiti laiti o le Suavai, Sami ma le Vaomatua) ma le Taitaifono ia  Jared Huffman o le Sui Temokalasi mai Kalefonia.

 

Saunoa Aumua Amata “O fagotaga o le ivitū lea o la matou tamaoaiga i Amerika Samoa ma o se vaega o le soifuaga i atu motu,” “O se mataupu tāua le tulaga lelei ma le fualoa o fagotaga ma ou te ava i faamatalaga a molimau. Ou te faafetai foi i le tofā mai le Taupulega e Faatautaia Fagotaga i le Pasefika i Sisifo lea e aafia tonu ai lava Amerika Samoa. E tāua le silafia e le Konekeresi pe a faatulaga aiaiga, le sao mai le faatautaia o fagotaga ma le eseesega o le mataituina o vaafagota faavaomalo ma le Iunaite Setete.

O le Komiti atoa o Alamanuia Faalenatura na palota i ni pili sa faaulu talu ai, e aofia ai le pasia o le pili faifaatasi H.R. 1809, lea o loo avea ai Amata ma se sui na ulua’i lagolagoina.  O le nei pili o le a toe teuteu ai le tulafono e toe faalelei ai le vaomatua (Pittman-Robertson Wildlife Restoration Act) ma le tulafono e toe faalelei ai fagotaga faataaloga (Dingell-Johnson Sport Fish Restoration Act), ia  laugatasia ai Teritori o le Iunaite Setete ma o se taumafaiga e mautinoa ai le talafeagai o tupe maua.

O le vaiaso nei fo’i na ofoina atu ai e le Faipule ia Amata se toe teuteuga, na pasia e le Komiti, e faamanino ma sui ai le gagana o le tulafono e faavasega ai Marshall Islands, Palau ma Setete o Micronesia o Setete Sa’oloto o le Iunaite Setete ae le o ni Teritori.

Faai’u le saunoaga a le Tamaitaifaipule ia Amata “O loo i ai tulafono tusitusia o loo faavasega ai Setete Sa’oloto e pei o ni teritori,  e tatau ai le faamanino ona o nei malō maoti e saoloto i lo latou faiā ma le Iunaite Setete.”

 

###

 

Issues: