Faamalo Amata i le Sui ua Faatuina e avea ma Faatonu mo le Au Iloilo Faamatalaga

July 29, 2019
Fa'asalalauga Aloa'ia

Uosigitone, D.C. –Aso Gafua, Na talia e le Tamaitaikonekeresi ia Aumua Amata le faatuina e pei ona faamoemoeina o le Aliikonekeresi ia John Ratcliffe, o se uso galue, ina ia avea ma Faatonu o le Au Iloilo Faamatalaga e puipuia le saogalemu o le malo aoao., ma na tuuina mai ai le nei saunoaga:

“E faamalo atu i la’u uo le Aliikonekeresi ia Ratcliffe.  Ua faalauiloa e le afioga i le Peresetene ia Trump lona faamoemoe e faatu le aliikonekeresi e avea ma Faatonu o le Au Iloilo Faamatalaga mo le saogalemu o le malo aoao (National Intelligence). O le Aliikonekeresi ia Ratcliffe ma a’u nei e vasega faatasi i totonu o le Konekeresi, e tutusa le tausaga na ma amata tautua ai.

O lea tulaga a le Kapineta e tali aga’i i le Peresetene ma e faauluulu i ai isi matagaluega e gafa ma tiute e iloiloa faamatalaga e aofia ai le Matagaluega Tutotonu mo Iloiloga faapea le Matagaluega mo le Saogalemu o le Malo. E tele agavaa o le afioga i le Alii faipule ia Ratcliffe mo lea matafaioi tāua, ma na galue o ia e feagai ma mataupu mo le puipuia o faamatalaga i fesootaiga faaonaponei.  I totonu o le Maota, na tautua o ia i le Komiti Filifili Tumau e Iloloa Faamatalaga, lea e feagai tonu ma faamatalaga e na o e faataga e mafai ona vaai i ai, ma le Komiti  mo le Puipuiga o le Lotoifale.  E i ai foi lona poto masani o se loia fautua a le Iunaite Setete na ia faia faamasinoga o le au faatupu faalavelave.

“Faafetai atu i le faamaloloina mai tautua o le Faatonu ia Dan Coats, o se Fitafita Tuai a le Ami, mo lana tautua ua loa ma iloga i le atunuu i le avea ma Senatoa, Amepasa, Aliikonekeresi ma Totino o le Kapeneta a le Peresetene.   

 

###