Faamalo Amata i le TBAS ua faamaonia latou te faatautaia le Porokalama e Puipui ai Totogi

Laumua i Uosigitone – Aso Lulu, O se saunoaga lea mai le Tamaitaikonekeresi ia Aumua Amata i lana faamalo i le Faletupe o le Teritori o Amerika Samoa:

“E faamalo atu i le Faletupe o le Teritory o Amerika Samoa i le faamaonia e avea ma fale nono tupe mo le Porokalama e Puipui ai Totogi a le Taupulega a Pisinisi Laiti.  O lona uiga o le maua foi lea avanoa mo tagata ma o se tala fiafia mo Amerika Samoa.  Na faatulaga e le Konekeresi lea porokalama fesoasoani aoga mo pisinisi laiti i totonu o le Tulafono iloga o le CARES.  O loo aoga le taumafaiga.  Ua matou iloa i le amataga o le vaiaso nei e 61 falefaigaluega i totonu o atu motu ua faamanuiaina i lea fesoasoani ina ia sao atu a o feagai ma tulaga ua o’o ai le tamaoaiga ua mafua i le taumafai o le lalolagi aoao e taofi le ma’i pesi.  O le taamilosaga lona lua o seleni mo le Porokalama e Puipui ai Totogi na aofia ai vaega tāua na tuu ese mo faletupe a atunuu o loo i se tulaga faaletonu, ma na finau i matou o loo galulue faatasi mo teritori auā nei aiaiga.   O nei nonoga tupe ua faamoemoe mo totogi o tagata ma mea totogi i le faatinoga o galuega, ma e mafai e le tele o falefaigaluega poo pisinisi laiti i totonu o Amerika Samoa ona suesue auala mo i latou ma tagai pe tatau mo i latou nei nonoga tupe.  Faafetai atu i le SBA i le utagia mai e faaauau le faalauaitele o avanoa.

###