Faamalo atu Amata i le Faiaoga o le Tausaga a Amerika Samoa i Uosigitone

May 6, 2019
Fa'asalalauga Aloa'ia

Uosigitone, DC - Na maua e le Tamaitaifaipule ia Aumua Amata le avanoa e faafeiloai ai le Faiaoga o le Tausaga a le Teritori mo le 2019 le susuga ia Jordanna Maga i le Laumua o le Iunaite Setete i lana asiasiga i le amataga o Me i Uosigitone, ma toe faamalo atu ai i le faaaloalo maualuga ua ia ausia ua avea ai ma Faiaoga o le Tausaga.

Saunoa Aumua Amata, “E faamalo atu i le susuga a  Jordanna Maga i tulaga ua ia ausia ma lona gaua’i e avea ma faiaoga. Faafetai tele i lau susuga Jordanna ae maise a tatou faiaoga uma mo la outou galuega faapea le faafaileleina o le tupulaga lalovaoa ma o latou soifua.  E tāua le nei matata i le atinaega o a tatou tagata aoga ma lo latou lumanai, o lea matou te faafetaia ai lo outou soifua ofoina atu.”

Congresswoman Amata and Teacher of the Year Jordanna Maga
Tamaitaifaipule ia Aumua Amata ma le susuga i le Faiaoga o le Tausaga ia Jordanna  Maga i totonu o se potufono a Komiti o le Konekeresi i le Laumua.

O le susuga a Jordanna Maga e faiaoga i mataupu tau Matematika, e aofia ai le Calculus, Probability ma le Statistics faapea le Teometeri i le Aoga Maualuga a Tafuna, lea sa ia aoga ai a o avea ma tagata aoga.  E silia i le 50 faiaoga ua fai ma sui o aoga mai Setete ma Teritori na auai i Uosigitone i le vaiaso ua tuanai mo aoaoga o loo faagasolo auā le auiluma o le tomai e ala i le porokalama mo Faiaoga o le Tausaga ma le Taupulega mo Sui o Aoga mai Setete Maualuga Council of Chief State School Officers (CCSSO).

O le nei tamaitai e i ai le faailoga o le matua o faiva i aoaoga (Masters in Education) mo Aoga Tulaga Lua, faatasi ai ma le faailoga o le Bachelors of Science i le Matematika  mai le Iunivesite o le Pasefika i Hawaii.  E fia fesoasoani o ia i tagata aoga e sui o latou manatu e le ano i le matematika ma ausia tulaga latou te le silafia latou te mafaia, ma faaaoga ana a’oa’oga e atina’e ai tagata aoga e lelei i le matematika.”

 

###

 

Issues: