Momoli le Faamalo a Amata i le Faletupe o Atina’e ina ua Faamaonia e nono ai tupe i le porokalama e puipui ai totogi (PPP)

January 18, 2021
Fa'asalalauga Aloa'ia

Laumua i Uosigitone – Aso Toonai, O le saunoaga lea mai le Tamaitaikonekeresi ia Uifaatali Amata e faafetai ai i le Faletupe o Atina’e a Amerika Samoa, ma le Peresetene ia Ruth S. Matagi-Faatili, ina ua faamaonia e avea ma faletupe e nono ai tupe i le porokalama e puipui ai totogi:

Congresswoman Amata during a January 15 2021 interview
 

 “E faamalo atu i le Faletupe o Atina’e a Amerika Samoa i le faamaonia aloaia e nono tupe e ala i le Porokalama e Puipui ai Totogi a le Taupulega o Pisinisi Laiti.  E faafetai atu foi i a tatou faletupe uma faalotoifale o loo nono ai tupe.  E aoga mo Amerika Samoa ma lo tatou tamaoaiga faalotoifale le i ai o nisi falenonotupe faaopoopo mo tagata ma pisinisi laiti faalotoifale.  E sili atu i le $24 miliona na alu i totonu o la tatou tamaoaiga faalotoifale i le tausaga ua mavae mai porokalama nei a le SBA o le PPP ma le EIDL.  E tele pisinisi ua mae’a ona maua mai ulua’i nonoga tupe ua toina.  Ua tuuina mai e le Konekeresi i lalo o lea tulafono le toina muamua ma le faalua o nonoga tupe, ma le tulaga e ono mafai ona faamagalo le nonoga tupe pe a fai e faamalieina ni alafua.