Faatāua e Amata le Atoaga o le 40 Tausaga o le Tulafono e faatatau i le Sootaga ma Taiwan

May 8, 2019
Fa'asalalauga Aloa'ia

Uosigitone, DC – Aso Lulu, Na faataua e le Tamaitaifaipule ia Aumua Amata le tulafono e uiga i le sootaga ma Taiwan, ma ia saunoa ai i se faamanatuga na faia i le Laumua mo le atoaga o le 40 tausaga o le nei tulafono tāua.

Saunoa Aumua Amata, “E malosi le sootaga i le va o le Iunaite Setete ma Taiwan ma e tāua lea ia te i tatou uma o i le atu Pasefika.”  E pei o le saunoaga a le Failautusi o Setete ia Mike Pompeo talu ai nei, ‘O se tala faatemokalasi manuia le tala e uiga ia Taiwan, o se paga e faatuatuaina ma o se tasi foi o malo o loo finau mo le lelei o le lalolagi.’ “Na sainia le Tulafono i le Sootaga ma Taiwan e avea ma tulafono a le Iunaite Setete i le 1979 ma o se tulaga ua ausia o loo molimau pea i le nei taimi le aoga.”

Congresswoman Amata speaking about the Taiwan Relations Act
Saunoa le Tamaitaifaipule ia Amata e uiga i le Tulafono e faatatau i le Sootaga ma Taiwan i se faatasiga na faia i le Laumua.

O le atoaga ole 40 tausaga o le nei tulafono iloga na aloaia i le asō i le Laumua ma na auai ai sui taualoa a le Iunaite Setete ma le sui o Taiwan i le Iunaite Setete, le susuga a Stanley Kao, o se sui tofia ua loa lona silafia.  Na fiafia le Tamaitaifaipule ia Amata mo le avanoa e faatasi ai ma i latou o loo auai i le nei faamanatuga ma saunoa i le tāua o le nei Tulafono.

Congresswoman Amata greeting Representative to the US Stanley Kao
Faafealoai atu le Tamaitaifaipule ia Amata i le Sui o Taiwan i le Iunaite Setete, le susuga a Stanley Kao.

Saunoa foi le Tamaitaifaipule ia Amata, “E pogai mai a tatou faiga sa’oloto ma le tofā matala le tupu o avanoa.  Mo se faataitaiga, o le mafuaaga lea e malosi ai le auai o le itupā o tamaitai i ofisa a le malo faapea le ono patipatia o lo latou tulaga i aiā mo tamaita’i i Taiwan.  Ia tatou faia pei nei taumafaiga e faataua ai le soifua saoloto, faataua le tagata ma ona manatu ma faaaliga.”

 

###