Faataua e Amata le Aso Faamanatu

May 31, 2021
Fa'asalalauga Aloa'ia

Laumua i Uosigitone –O le feau le nei mai le susuga i le Tamaitaifaipule ia Uifaatali Amata i le faatauaina o le Aso Faamanatu o le tausaga 2021:

“Ua fai le Aso Faamanatu ma aso tatou te vilivilita’i ai i e ua ofo atu atoa mo le faamoemoe o le saolotoga.  Ua tatau le ave o le faaaloalo i o tatou tagata uma o i vaega au faapea vetereni mo lo latou loto atu e tautua ma ofo lo latou soifua.   O le Aso Faamanatu e faasilisili ai e i tatou o e ua foaaiina atu o latou ola i ona po uma o le talafaasolopito o le malo.

 “E iloga le sao o Amerika Samoa i lana tautua i vaega au ma ua toatele foi o tatou tagata mai aiga i totonu o vaega au.  Tatou te manatua i latou uma o loo tautua i le nei aso malolo i le faaiuga o le vaiaso.  Ia faamanuia le Atua i le faamanatuina o le tautua a alii ma tamaitai o vaega au ua mavae atu.  E momoli atu le faafetai i a tatou tagata o i vaega au, vetereni ma aiga militeri.

“Ia manuia le faaiuga umi o le vaiaso ma uo ma aiga!”

###

Issues: