Faataua e Amataga Manaoga tau Fagotaga a Amerika Samoa i se Feiloaiga ma le Failautusi ia Bernhardt

May 20, 2019
Fa'asalalauga Aloa'ia

Uosigitone, D.C. – O le vaiaso ua te’a nei na fono ai le Tamaitaifaipule ia Aumua Amata ma le Komiti mo Alamanuia Faalenatura faatasi ma le Failautusi o le Initeria ia David Bernahardt i le paketi ma aiaiga, ma na faamamafa ai e le tamaitaifaipule manaoga tau fagotaga o Amerika Samoa.

Na fesili le Tamaitaifaipule ia Amata a o ia fesiligia le Failautusi o le Initeria pe i ai ni suiga i le talosaga a lē sa avea muamua ma Failautusi, le susuga Ryan Zinke, e uiga i le toe tatalaina o vaega faasao o le sami mo fagotaga a Amerika Samoa. Saunoa le Failautusi ia Bernhardt i lana tali, e tumau pea le talosaga a le Matagaluega. O se tala fifia lea mo Amerika Samoa auā o loo faaauau pea e le Failautusi fou le talosaga e tatala ai fagotaga mo Amerika Samoa i sami faasao o loo matuā manaomia.

E  mafai ona maimoa ai i here.

Congresswoman Amata asking a question of Secretary Bernhardt (left)Fesiligia e le Faipule ia Amata le Failautusi o le Initeria ia Bernhardt i aiaiga mo fagotaga.

Saunoa Aumua Amata, “E taua i le silafia e le o i ai se fuafuaga a le Matagaluega o le Initeria e ave ai i tua le talosaga e toe tatala ai fagotaga a Amerika Samoa i sami ua faasa.  Sa ou toe faamamafa a o faia le taualumaga e faamaonia ai le Failautusi ia Bernhardt le tāua o le manuia o Amerika Samoa mai le o gatasi o le futia ma le umele i le faatautaiga a le Matagaluega o le Initeria , ma ua faamalieina a’u o le a le suia pe avea ma faafitauli i le nei aiaiga tāua le suiga i le Failautusi.  E pei ona faatulagaina, o loo manino le talosaga ua tusia e toe faafoi ai nisi o vaega o le gataifale o Amerika Samoa mo ana fagotaga.”

O se i si iloiloga na faia ia Mati na finau malosi ai le Tamaitaifaipule ia Amata e toe faafoi nei vaega o le gataifale i le faiga sa i ai muamua.  O le tausaga e 2009 na faavae ai e le Peresetene ia George W. Bush faasao e aofia ai le Rose Atoll Marine National Monument ma le Pacific Remote Islands Marine National Monument.  O le tausaga 2014 faalautele ai e le Peresetene ia Barack Obama le faasao o le Pacific Remote Islands Marine National Monument.  Toeitiiti lava leai se tofā na fesiligia  mai le Malo o Amerika Samoa ma ona tagata a o le i faavaeina nei faasao pe faalauteleina foi.  O le iuga la ua vaoia le aufagota mai le fagotaina o nei vaega o le gataifale ua loa augatupulaga o o latou faaaogaina.

Faaauau le saunoaga a Aumua Amata, “O fagotaga o le ivitū lea o le tamaoaiga i Amerika Samoa ma o se vaega o le soifuaga mo i matou o loo i le motu.  O le faaaogaina i le tuana’i o poloaiga faitoatasi e faalautele ai gataifale atofaina e aunoa ma se tofā mai le taupulega faalotoifale e le o ala sa’o lea e puipuia ai o tatou gataifale.”

Faai’u le saunoaga a Amata, “E sili ona matapalapala ma mataalia a matou tautai i le lalolagi.  Na le i manino le faalautelega o le faasao Pacific Remote Islands Marine National Monument ua sili atu i le faaono lona telē, ma ua ave ese ai se vaega o le gataifale e masani ona faaaoga e o matou tagata e tusa o le faatolu le telē o Kalefonia.”

###

 

 

Issues: