le Aso o le Sisiga Fu’a 2019

April 17, 2019
Fa'asalalauga Aloa'ia

Uosigitone, D.C. – Aso Lua, O le nei faamatalaga ua tuuina mai e le afioga i le Faipule ia Aumua Amata i le faamanatuina o le Aso o le Sisiga Fu’a o le 2019:

“Ua silafia e le mamalu lautele ma iloa e tatou i Amerika Samoa le tāua o le Aso 17 o Aperila mo o tatou tagata.  Maeu foi le matagofie o lenei vaiaso i ona taualumaga.  E avea pea le Aso o le Fu’a ma aso e olioli ma aofaga potopoto ai, ma e lagona ai lo’u fiafia tele i lo’u auai mai i le auga o faigamea o le tausaga.  O se fiafiaga le matau atu o auga tupulaga uma, tagata matutua e oo lava i le fanau o loo fiafia faatasi i le nei aso faamanatu.  Ou te mimita pe ou faailoa atu i o’u usogalue i Uosigitone a tatou faafiafiaga ma faatinoga e faia i le vaiaso atoa, ma faamanatu ai le ulua’i sisiina o le tagavai a le Iunaite Setete i Amerika Samoa.  O se faamanuiaga le faasoa atu o la tatou aganuu ma tu masani i le atunuu ma soo se nuu ou te malaga ai.  O lo tatou tofi, la tatou Faasamoa ma lo tatou lotonuu e faalaeiau i o tatou tagata, ma o faamanuiaga ia mai le Atua.  E masani ona asiasi mai a tatou uo, nisi o tatou tagata toe foi mai e asi aiga poo aiga foi mai Samoa, ae le galo foi ia tatou le to’atele o loo tautua i Vaegaau a le Malō ua le mafai ona faatasi mai mo le Sisiga Fu’a.”

###

Issues: