Saunoaga mai ia Aumua Amata:

June 16, 2019
Fa'asalalauga Aloa'ia

Teo

Saunoaga mai ia Aumua Amata:

“Ina ua ou faalogo i le tala e uiga i le maliu o Aumoeualogo Te’o J. Fuavai, ua solo ifo le tele o lagona ma manatu. Na pei o ia o se atalii i le afioga i le Kovana ia Kolumane, ma e faamanatu mai pea lava ia a’u se tasi o tulaga aupito tāua i lona soifuaga ina ua sainia e le Kovana ia Kolumane lana tusipasi i le aoga maualuga i le 1959.  Na pei o ia o se tamā ia te a’u, ma ina ua maliu le Kovana ia Kolumane, na ia auina atu i Honolulu se vaega o leoleo latou te faafeaoina mai le va’a o le afioga i le Kovana. E pele ia a’u nei meateuloto. O ia o se tagata faamaoni, e toa, faigofie ona talanoa i ai, e alofa ma ua tau ai se ai mo Amerika Samoa i ala uma. O se ta’ita’i mataalia ma tausaafia ua faafofoga i ai le tele o augatupulaga, ae maise lava lona faamalosi au i tupulaga lalovaoa mo se lelei.  O se tagata faatuatua, e tele ona sao i tatou atu motu e le gata i le malo faapea pisinisi tumaoti. O le a le galo o ia ma e tele i tatou o loo ofo alofa, ma momoli faamaisega ma talosaga i lona aiga ma i latou uma e silafia o ia, e alolofa i ai ma faaaloalo ia te ia.”

Issues: