Talia e Amata Anchorle $2.5 Miliona mo le Malaevaalele i Fitiuta

July 29, 2019
Fa'asalalauga Aloa'ia

Uosigitone, D.C. – Aso Gafua, Ua talia e le Tamaitaikonekeresi ia Aumua Amata le tupe e $2.5 miliona mai le Taupulega a le Feterale mo Femalagaina i Vaalele ma le Matagaluega o Femalagaina.  O le a faaaoga lea tupe mo le malaevaalele i Fitiuta e toe fausia ai molī o le malaevaalele. Ua uma le aoga o molī o le malaevaalele ma o lona toe fausia o le a o’o ai i se tulaga talafeagai e tusa ma alafua a le Taupulega a le Feterale mo Femalagaina i Vaalele.

Saunoa le Tamaitaikonekeresi ia Aumua Amata “o lea tupe o le a mafai ai e tatou ona faamautinoa o loo tausisi a tatou malaevaalele i alafua a le Taupulega a le Feterale mo Femalagaina i Vaalele mo le saogalemu ma le tulaga lelei. E sili ona tāua le faatumau o le saogalemu ma le faamoemoeina o a tatou tautua i le ea mo tagata o Amerika Samoa.” 

 

Congresswoman Amata with Secretary of Transportation Elaine Chao
Tamaitaikonekeresi ia  Amata ma le Failautusi o Femalagaina ia Elaine Chao i se potu mo Komiti a le konekeresi.

 

O le Malaevaalele i Fitituta, o se sootaga tāua ma Manu’a,  o se malaevaalele faalauaitele e pei ona faavasegaina o se malaevaalele faavae e le ripoti a le Taupulega a le Feterale mo Malaevaalele i se Fuafuaga Faalemalo i Ala o Fesootaiga mo Malaevaalele. O le Taupulega a le Feterale mo Malaevaalele o se matagaluega i totonu o le Matagaluega o Femalagaina.

Saunoa le Tamaitaikonekeresi ia Amata, “E momoli le faafetai i le susuga ia Taimalelagi Dr. Claire Poumele, Faatonusili o le Matagaluega o loo Faatautaia Uafu ma Malaevaalele, mo lana galuega i nei tautua tāua.  Ou te fai ma sui o tagata o Amerika Samoa e faafetai ai fo’i i le Taupulega a le Feterale mo Malaevaalele ma le Failautusi o Femalagaina ia Chao mo lo latou taga’i alofa i lea mana’oga.”

 

###