Talia e Amata Taumafaiga a le Iunaite Setete e tete’e ai le Misela i Samoa

December 2, 2019
Fa'asalalauga Aloa'ia

Laumua i Uosigitone – Aso Gafua, Na talisapai e le Tamaitaikonekeresi ia Aumua Amata faasalalauga i taumafaiga Faavaomalō ma le Iunaite Setete e tete’e atu ai i le misela i Samoa.  welcomed news of U.S. and international steps to combat measles in Samoa.

Na fesootai atu le Tamaitaikonekeresi ia Amata i le Amepasa a le Iunaite Setete i Niu Sila ia Scott Brown ma lana aufaigaluega i Apia, ma matagaluega eseese a le malō mo ni tala lata mai, ma ia iloa faatinoga a le Iunaite Setete i se vaega o taumafaiga e fesoasoani ia Samoa e taofia le pepesi o le misela.

Na folafola e le Amepasa ia Brown o se tulaga pagatia ua i ai nei, e tatau ai ni faiga faapitoa, ae maise lava le faatagaina o le USAID e tatala atu o tupe e mafai ona o’o i le selau fia o afe i le Faalapotopotoga a le Lalolagi mo le Soifuamaloloina e faapitoa mo taumafaiga e tali atu i le misela i totonu o Samoa. O loo faamoemoe e manaomia e Samoa sapalai mo le falema’i, mea faigaluega ma tagata faigaluega a o aga atu i le tausaga 2020.

Sa fesootai foi le Tamaitaikonekeresi ia Amata ma le CDC poo le matagaluegatutotonu e mata’ituina faama’i ma talia e ia le auina atu e le CDC o ni tagata faigaluega e to’alua i Amerika Samoa.

Saunoa Aumua Amata, “Ou te faafetai i nei taumafaiga o loo faagasolo atoa ai ma tala lata mai mai le malō feterale o le Iunaite Setete. Faafetai atu i le Amepasa ia Brown ma le CDC mo taumafaiga o loo faaauau e saili ai ala e fesoasoani i a tatou uo ma tuaoi i Samoa.

Ua mae’a feutagaina i luga o le telefoni a le aufaigaluega a le CDC ma le Matagaluega o le Soifuamaloloina a Amerika Samoa i ma’i misela e lua i vaiaso e lua ua mavae.  Ua auina mai e le CDC tagata faigaluega e to’alua i Amerika Samoa e saunia ta’iala ia toatele ai i latou ua faia tuipuipuia, iloa le mafai ona tali atu, ma fesoasoani e faatulaga se fuafuaga e tali atu ai.  E le gata i lea, o le a fesoasoani foi le CDC i le faatauina o tuipuipuia.  O le CDC o le matagaluega ta’imua lea a le Iunaite Setete mo le pepesi o le misela i atunuu i fafo.

###

 

Issues: