Toe faatulaga e le Taitaifono a le Komiti mo Vetereni lo latou malaga mai i Amerika Samoa

October 7, 2019
Fa'asalalauga Aloa'ia

Laumua i Uosigitone—Aso Gafua, Saunoa le Tamaitaikonekeresi ia Aumua Amata ua fuafua le Taitaifono o le Komiti o Mataupu tau Vetereni ia Mark Takano i se malaga mo Amerika Samoa i se taimi vave e talafeagai e talanoa ai i Vetereni, talu ai ua le taunuu le malaga mai i le vaiaso nei ona o suiga e pogai i le Afā o Hagibis i le CNMI.  O le a mafai ona feiloai Suitofia o le Aumalaga a le Konekeresi ma Vetereni o le Pasefika i Hawaii a o le i tuuvaa atu Sui o le Konekeresi mo le Laumua i Uosigitone.   

Na filifili le Matagaluega o le Puipuiga (Department of Defense) e sui malaga faatulagaina i vaalele, ma tuua vave ai le CNMI a o le i tau atu le afā, ma faaitiitia ai fuafuaga faatulaga i i na.  O na suiga na mafua ai le le faataunuuina o le afea o Amerika Samoa e pei ona fuafuaina, faatasi ai foi ma le faaitiitia o feiloaiga i Hawaii.

Saunoa Aumua Amata “E manatua i a matou talosaga tagata o CNMI a o latou feagai ma le afā, ma o le popolega numera tasi lea mo tagata uma.  Na i ai se faamoemoega i le Taitaifono ia Takano e o’o mai ai i Amerika Samoa, ma na ia faailoa mai ia te a’u o le a ia toe faatulaga se feiloaiga e faafofoga ai i Vetereni ma le malaga mai o Vetereni i Amerika Samoa i se vave e talafeagai.”

 

CODEL upon arrival in Guam
Faafeiloaiga o Sui o le Au malaga a le Konekeresi ma o latou aiga ina ua tau atu i Kuameni.

 

Na mafai e le aufaatasi o itufaaupufai a le Aumalaga a Suitofia o le Konekeresi ona faataunuu feiloaiga ma Vetereni i Kuameni ma Filipino, faatasi ai ma feiloaiga ua faapuupuu i CNMI ma Hawaii.

Saunoa le Tamaitaikonekeresi ia Amata “Na faamalosiauina a’u i feiloaiga ma isi Sui i nai aso ua mavae atu, ma o nei feiloaiga ma Vetereni i totonu o le atu Pasefika o le a aoga mo a tatou taumafaiga e faamautinoa ai e maua e a tatou Vetereni nei tautua tāua tusa lava poo fea o loo o latou alala ai. O loo aofia i a matou galuega faifaipea le vaaiga o taumafaiga e faaaoga ai auala faaonapo nei e tautua ai i Vetereni ma siitia le paketi a le feterale mo tautua i Vetereni.  

 

CODEL visiting Clark Veterans Cemetery
Na asia e le au malaga a Suitofia o le Konekeresi le Fanua Tanu o le Clark Veterans Cemetery i Filipino.

 

Faai’u le saunoaga a Amata “O nisi o i tatou e i ai uo ma aiga i totonu o le CNMI, ma e manatua pea i latou uma ia tatou talosaga.  O lo latou saogalemu ma le toe fuataina mai le Afā o Hagisbis o le mea aupito sili ona tāua lea.

###

Issues: