Faʻaalia e Amata le Tāua o le Aso o Martin Luther King Jr. 2026
Washington, D.C. – Congresswoman Uifa’atali Amata
Fa’alauiloa aloaia mai e le tatou sui i le Konekeresi, lana tima’iga fa’apitoa a’o loma le fa’ailogaina o le aso fa’amanatu, e taualoa ai le sa muaimalae i taumafaiga ina ia amana’ia tagata uma, le Aso fa’apitoa e fa’amanatu ai Martin Luther King Jr.
I lona taofi fa’aalia ua tusia ua ia fai mai ai, “O Matin Luther King Jr, ua avea o se fa’ata’ita’iga mautu o se tasi ua i ai le agaga toa, fa’autauta ma e mautu lona fa’atuatua, alofa i lou uso tuaoi, ma le agaga fa’aaloalo tele i lou uso a tagala.O lana ta’ita’iga ua fa’amaonia ma fa’ata’ita’ia ai suiga lelei e ao ina ausia e tagata uma e soifua ma ola faatasi, aua ne’i fete’ena’i ae ia onosa’i ma feutaga’i i mea lelei e tausia ai le nofo lelei i le saogalemu ma le filemu.
Le tatou sui mamalu I le Konekeresi, Uifa’atali Amata ma le sui tauaiga o Dr. Alveda King, o le affine o le uso o Dr. Martin Luther King Jr.
O tusitusiga fa’amaumau a Dr Martin Luther King Jr, o lo’o fa’aauau pea ona matauina le aoga a’o gasolo mai augatupulaga o lenei vaitau, aua e taua tele nei tima’iga i o tatou lagona ma e taua i o tatou amioga e tatau ai. O le nonofo fa’atasi ma ia aia tutusa i mea uma o ala ia o le tulafono, ia tofusia i tatou uma ma aia tutusa i avanoa eseese i soo se mana’omia, ma ia tamau i le fefa’aaloaloa’i. I le soifua atoa o Dr. King, sa ia fa’aaoga e tu ai i le mea moni, ma e tusa lava poo le a e oo mai, ia e tumau ai i lou talitonuga ma loto atoa.
A’o tatou fa’amamalu lenei aso e tatou te toe to manatu ai I ala na una’ia e Martin Luther King Jr.,e faamanatu mai pea ia i tatou, o le fausaga o se faavae mautu mo le tatou malo, e fa’aauau pea lava, e leai se taimi e muta ai.
O le vala’au ina ia fa’aauau le galuega ma le onosa’i, faamaoni, ia ola feso’ota’i ma uso a tagata i le alofa ma le agalelei, ma ia taumafai e fa’ataunuu tautua uma ina ia maopoopo ai tagata uma ae le o le fetoa’i ai!
###