Aloaia e Amata le Taeao o Vaega Au ma le masina e Amanaia ai le Militeri

Laumua i Uosigitone – Aso Faraile, O loo faatāua e le Tamaitaikonekeresi ia Aumua Amata le Taeao mo Vaega Au i le Malo Aoao (Me 16) ma le Masina e Amanaia ai le Militeri i le Malo Aoao (Me).

"Ua malie toa, malie tau Amerika Samoa i le manomano o le itutaua o ana alii ma tamaitai o loo tautuaina lo tatou atunuu. Ua manuia i tatou i le i ai o so tatou sui i la taitasi o le Vaega o Au. O loo i ai a tatou au mautofi ma sui auai, Au Faaleoleo, ma nisi o loo i Aoga taualoa mo Vaega Au. Tatou ave lea laolao e aloaia ai outou uma, lau tautua aogā i lo tatou atunuu, faapea le tautua matavela ma le soifua ofoina atu o outou ma nai o outou aiga. Faafetai. E le galo outou i o matou manatu ma ia faamanuia ma puipuia outou e le Atua a o tou alo faiva."

###