Aloaia e Amata Vetereni Tamaitai i se Sauniga Faamanatu mo Tamaitai e ave ai le Faiteu
Uosigitone, D.C. – Na lagona le faatauvaa o le Tamaitaifaipule ia Aumua Amata e saunoa ai e aloaia Vetereni Tamaitai i se sauniga faapitoa e ave ai le faiteu mo le Faamanatuga o Tamaitai i le Militeri e Tautua mo Amerika sa faia i le fanuatanu a le atunuu i Arlington
Saunoa le Tamaitaifaipule ia Amata i luma o le Faamanatuga mo Tamaitai.
"O se tulaga faapitoa le i ai i nei i le nei nofoaga laulelei, ma avea ma vaega o le nei tu matagofie e ave ai le pale mo le faiteu. O mea uma ua tatou vaaia ua siomia ai tatou o se vaega o le saafiga a lo tatou atunuu i le lotonuu ma o tatou toa ua maliliu. E maualuga le faitau o e ulufale i le militeri mai lo'u itumalo, ou te mitamita ai e fai ma sui o tamaitai e toatele o loo i totonu o le militeri faapea Vetereni tamaitai. Ua tatou i ai i nei e aloaia nei tamaitai ua au lo latou inailau ma i latou uma na tautua."
Congresswoman Amata honoring Chief Master Sergeant Armga at the Memorial.
O le lona 22 ai lea o Sauniga Faiteu Faaletausaga i le Fanuatanu a le Atunuu i Arlington i le Faamanatuga mo Tamaitai e Totino o le Faapotopotoga mo Mataupu i Tamaitai a le Konekeresi. Ua amanaia i le nei faatasiga le Aso Faamanatu ma le tautua ma le soifua ofoina atu o tamaitai o se vaega o le tautua i Vaega Au a le Iunaite Setete.
I le taimi o le faatasiga, e toalima totino o le Faapotopotoga mo Mataupu i Tamaitai a le Konekeresi e tofu ma le tamaitai iloga mai vaega taitasi o le militeri na faatāua lo latou soifua tautua:
- Le susuga i le Staff Sergeant ia Amanda Kelley, U.S. Army, faalauiloa e le Faipule ia Sheila Jackson-Lee;
- Le susuga ia Gunnery Sergeant ia Christine Bloomfield, U.S. Marine Corps, faalauiloa e le Faipule ia Carol Miller;
- Le susuga i le Petty Officer ia Rose E. Houle, U.S. Navy, faalauiloa e le Faipule ia Abby Finkenauer;
- Le susuga i le Chief Master Sergeant ia Mariah J. Armga, U.S. Air Force, faalauiloa e le Faipule ia Aumua Amata;
- Le susuga i le Petty Officer ia Tracy L Mannes, U.S. Coast Guard: faalauiloa e le Faipule ia Madeleine Dean.
O le Tamaitaifaipule ia Jenniffer González-Colón, o loo fai ma Sui Taitaifono o le Faapotopotoga, na saunoa mo le saafiafiga mo e ua maliliu. Na saunoa foi le Faipule ia Brenda Lawrence; le susuga i le Major General ia Dee Ann McWilliams, o le Ami a le Iunaite Setete, ua ritaea, o le Peresetene o le Faapotopotoga mo le Faamanatuga o Tamaitai (Women's Memorial Foundation); le afioga ia Cheryl Mason, Taitaifono, Komiti mo Apili a Vetereni; ma le susuga i le Brigadier General ia Wilma Vaught, o le Ea Fosi a le Iunaite Setete ua ritaea ma o le Peresetene Aoao a le Women's Memorial Foundation.
Tu faaaloalo a Totino o le Konekeresi i le taimi o le sauniga.
Saunoa le Tamaitaifaipule ia Amata, "A o tatou aloaia Vetereni tamaitai uma, se i o tatou tagai i se tasi o faataitaiga. E ia te a'u le agaga faaaloalo e faailoa atu ai le susuga i le Chief Master Sergeant ia Mariah J. Armga. O lea tamaitai o le Sui Taitai i se vaega (Force Structure and Strategic Basing) o le Ofisa o le Failautusi a le Ea Fosi (Air Force), o se Sui e fesootai ma le Konekeresi ma avea ma fautua. O nisi o matafaioi a le nei tulaga e aofia ai le vaaiga o fuafuaga ma aiaiga mo faaiuga fai a le vaega lea (Force Structure and Strategic Basing) a le Ea Fosi. O ia foi o le fautua muamua i le Chief Master Sergeant a le Ea Fosi auā feutagaina ma le Konekeresi, iloiloga ma fuafuaina o tulafono poo pili faaulu. O le susuga i le Taitai ia Armga o se viiga lea ia Olympia, Uosigitone ma sa ia tautua ai talu le 1999. E faatolu ona malaga o ia i tafā o taua ona o le Sāvali mo le Sa'olotoga Tumau (Operation Enduring Freedom)."
Faaaliga o le pale faiteu.
O le Tamaitaifaipule ia Amata o se Sui Sinia mo le Komiti a le Maota i Mataupu tau Vetereni ma le Faapotopotoga a le Konekeresi mo Mataupu e patino i Tamaitai.
###