Aloaia e le Tamaitaifaipule ia Amata Toa i le Sauniga o le Aso Faamanatu a le Pasefika
Uosigitone, D.C. – Aso Gafua, Na auai le Tamaitaifaipule ia Aumua Amata i le Sauniga lona fitusefulu o le Aso Faamanatu o Pulenuu i le Fanuatanu Faamanatu a le Atunuu mo le Pasefika, na aofia ai le toatele o le au mautofi a le militeri ma le malo, lele faaaloalo a le militeri, ma le saunoaga faapitoa a le susuga i le Chief of Naval Operations Admiral ia John M. Richardson.
Tamaitaifaipule ia Amata i le Fanuatanu Faamanatu a le Atunuu mo le Pasefika
Saunoa Aumua Amata, " O le Aso Faamanatu e ave ai e lo tatou atunuu le faaaloalo ia tatou toa ua maliliu, i latou uma ua ofoina atu o latou soifua ua pogai ai lo tatou oaoa i le sa'olototga mai le talaaga atoa o le Iunaite Setete. Mai le 48 miliona o tagata Amerika na tautua i Vaega Au a le Malo talu le 1776, o le Aso Faamanatu o le aso malolō faapitoa lea ua faailogaina tonu mo i latou na ofo lo latou soifua ina ia tatou ola sa'oloto ai i le asō.
Ia tāua ia i tatou le teulotoina o nei toa lotonuu. Ua aloaia lo latou sao e ala i tu masani o le tautua o loo atina'e e Amerika Samoa i augatupulaga i nei ona po."
Le Tamaitaifaipule ia Amata ma le susuga i le Chief of Naval Operations Admiral ia John M. Richardson na saunoa faapitoa i le sauniga.
E silia i le 40 faalapotopotoga eseese mai le militeri na ave a latou faiteu i le faamanatuga, ma e 38,000 faasolo na saunia ma tuu i luga o tuugamau e aloaia ai totino o le atunuu na tautua. O le nofoaga mo le Fanuatanu a le Atunuu ua ta'ua o le Punchbowl, e tu i le Punchbowl Crater i Honolulu.
Le Tamaitaifaipule ia Amata ma ana uo o loo galulue mo tapenaga ina ia solo lelei le faamoemoe i le Sauniga lona fitusefulu o le Aso Faamanatu.
Saunoa le susuga i le Admiral ia Richardson, "Faafetai mo le faaaloalo e tautala ai i le Aso Faamanatu, o se aso e aualofa ai ia i latou na tautua i lo tatou atunuu ina ia mafai ona tatou ola, galue ma tapua'i sa'oloto. Tatou te aloaia nei toa na tau ma maliliu i taua iloga o le 243 tausga o le talafaasolopito o lo tatou atunuu."
Tamaitaifaipule ia Amata ma le afioga i le Senatoa ia Brian Schatz ma le Kovana ia David Ige
Tamaitaifaipule ia Amata ma le Senatoa ia Mike Gabbard ma Jennifer Gutowski, Faatonu mo le VA Pacific Islands Healthcare
Tamaitaifaipule ia Amata ma le Admiral ia Kevin Lunday, Commander, 14th District US Coast Guard
###