Alu i luma le Faagasologa o le talosaga a Amata mo Amerika Samoa i le $2.5 Miliona o le Talosaga mo le Paketi
Uosigitone, D.C. – Aso Lulu, Na talia e le Tamaitaifaipule le vaaiga muamua i le pili a le Maota mo Tupe Atofa a le Initeria, o loo aofia ai lana talosaga ua sosoo tausaga e tolu o faia pea e sii ai le tupe maua mo Amerika Samoa, e $2.5 miliona e sili ai i le paketi talosagaina a le feterale mo le Malo o Amerika Samoa.
Ua faapea mai le Komiti i se ripoti e uiga i le pili "Ua talosaga le Komiti i le $24,120,000 mo Galuega fai a Amerika Samoa, e $400,000 e sili ai i le aofai ua pasia ma e $2,591,00 e sili ai i le paketi ua talosagaina.
Ua sosoo nei o tausaga e tolu o maua le faaopoopoga ina ua uma ona maua mai e le Tamaitaifaipule le $718,000 i le 2018 ma le $250,000 i le 2017 – e tusa ma le $1.5 miliona le sii i tausaga e tolu, ma o nei tausaga taitasi ua telē le tupe faaopoopo e sili atu i le tupe na talosaga e le taupulega mo le Teritori.
Ua ta'ua e le Komiti le faaauau o lo latou atugalu i aafiaga mai le Afa o Gita ia Amerika Samoa, ma teena le faaitiitiga o loo i talosaga mo le paketi. O loo aofia i le talosaga le $400,000 o le tupe faaopoopo mo galuega fai.
E ui o lea pili o loo ta'ua ai le Afa o Gita, o nei tupe e ese ma e faaopoopo i pili mofesoasoani i faalavelave ogaoga o loo faagasolo nei i luma o le Konekeresi. (O loo finau foi le Tamaitaifaipule ina ia pasia pili e fesoasoani e maua ai le faitaufia miliona mo meataumafa mo Amerika Samoa [o pili eseese e aofia ai $5-i le - $18 miliona, ma e faalagolago po o le fea le pili e manuia], ma e mafai ona maua ai ma le 100% o le fesoasoani mo le Medicaid mo le tausaga, o loo fuafaatatau o le isi $10 miliona e maua mai).
O le a faaauau pea ona galue le Tamaitaifaipule ma le faatautaiga a le Komiti e Atofaina Tupe a o faagasolo le pili aga'i i luma. Ua pasia e le Komiti Laititi le pili, ma ua faatulaga le suiga mulimuli a le Komiti aoao mo le Aso Lulu.
Saunoa Aumua Amata "E momoli le faafetai i le Tamaitai Taitaifono a le Komiti ia Nita Lowey, Sui Tofia ia Kay Granger, ma le Taitaifono a le Komiti Laititi a le Initeria mo le Siosiomaga ia Betty McCollum ma le Sui Tofia ia John Joyce. Ou te faafetai i le manatu faapitoa ia Amerika Samoa ma aafiaga o le Afa o Gita o loo iai pea. O nei pili o ni tala fiafia mo Amerika Samoa."