Auai Amata i se Iloiloga i le Laumua e faatatau i le Vaoia o Vetereni mai le Pule i le Ola ma le Faalauiloaga auā le silafia lelei e le lautele
Uosigitone, D.C. – Aso Gafua, Sa faia se fonotaga a le Tamaitaifaipule ia Aumua Amata ma le Komiti mo Mataupu tau Vetereni a le Maota e Iloilo ai taumafaiga a le Matagaluega mo Mataupu tau Vetereni(VA) e faaitiitia ai le pule i le ola mai le faitauaofai o Vetereni. A o le i usuia le fonotaga, na aufaatasi le Susuga i le Fofoga Fetalai ia Nancy Pelosi ma le susuga i le Taitaifono ia Liz Cheney ma le Tamaitaifaipule ia Amata, le susuga i le Taitaifono ia Mark Takano, Totino Sinia ia Dr. Phil Roe ma isi taitai o le Komiti e faalauiloa le silafia i se feiloaiga i le Laumua na auai ai ma Vetereni.
"E momomo lo'u loto pe a ou mafaufau i se Vetereni ua tau au ina leai se faamoemoe poo feagai toatasi foi ma mafatiaga," saunoa ai Aumua Amata. O le nei faafitauli ua avea ma mafatiaga i le atunuu atoa, ma e tatau ona tatou aufaatasi e finau mo nei soifua taualoa. Ou te faafetai i Poloaiga lata mai nei a le Afioga i le Peresetene ia Trump, ma ou te faafetaia ai le nei taumafaiga manino i totonu o la matou Komiti o loo taitaia e le susuga i le Taitaifono ia Takano ma Totino Sinia ia Roe, e faamaoni lo laua agaga fesoasoani mo a tatou Vetereni."
Sa auai foi le Tamaitaifaipule ia Amata i se taumafaiga e faalauiloa ai i le mamalu lautele ua ta'ua "Be There" "Auai" e ala i le pu'eina o Faasalalauga Faalauaitele i le gagana Samoa ma le Igilisi. Taga'i ane i le BeThereForVeterans.com. e silafia atili ai. Maimoa i faasalalauga i nei ma nei mo le gagana Igilisi, po o i ma i mo le faasamoa.
O vaega o atafaasolo o le auai o le Tamaitaifaipule i iloiloga i le Aso Gafua ma le Aso Lua e maua i nei ma i nei.
Sui Sinia ia Amata o loo tutū faatasi ma le susuga i le Sui Sinia ia Dr. Roe ma le susuga i le Taitaifono ia Takano a o saunoa le susuga i le Taitai o le itu faaupufai a le Ripapilikana ia Cheney.
O se itu e faanoanoa ai le tusa o le 20 i le aso soifua e maumau i le pule i le ola mai le tuufaatasi o Vetereni i le atunuu, o i latou i le Active Duty, National Guard faapea le faitauaofai o i latou o loo i Vaegaau faaleoleo. Ua faatoluina le tupe faaalu a le VA mo tausiga o le soifuamaloloina faalemafaufau talu le 2005 ua o'o i le $8.6 piliona i le tausaga faaletupe 2019, ma o le paketi talosaga a le afioga i le Peresetene mo le VA atoa o le a avea ma matati'a fou poo se fesoasoani mo Vetereni.
Faafeiloai atu i le susuga i le Taitaifono ia Takano i le Tamaitaifaipule ia Amata ma le Taitai o le Fonotaga ia Liz Cheney
Ua tali foi le afioga i le Peresetene ia Trump i se Poloaiga e faatulaga ai se vaega fou o le a latou faia ni fautuaga e uiga i se alafua e vaoia ai le pule i le ola, lea ua ta'ua o le Alafua a le Peresetene e faalaeiau ai Vetereni ma faamuta ai le pagatia o loo feagai ma le atunuu ona o le pule i le ola (PREVENTS). O le nei taumafaiga o loo faataua ai le manaomia ona galulue faatasi o le Malō Feterale ma Setete ma Teritori ma faalapotopotoga tumaoti. O taumafaiga e aofia ai le lelei o faamaumauga ma maua i se taimi talafeagai.
Saunoa le susuga i le Sui Sinia ia Roe a o faalauiloa e taitai o le Konekeresi ma Vetereni i le Laumua le Pule o Vetereni i o latou soifua
Sa usuia foi se fonotaga a le Komiti a le Maota mo Mataupu i Vetereni i le nei mataupu taua ia Setema o le 2018, e pei ona faailoa mai e le ripoti a le VA le alu i luga o le pule i le ola i Vetereni ma le faitauaofai o isi tagata; peitai, o le faitau mo Vetereni e 1.5 e sili atu ai na i lo isi faitauaofai, ma o le faitau o tamaitai Vetereni e 1.8 e sili atu ai na i lo tamaitai o le lautele. Ua faailoa mai i faamaumauga o nei mafatiaga e tupu i Vetereni latou te le o maua ni tausiga mai le VA.
"Faamanuia le Atua ia tatou Fitafita, e lagona lo'u agaga faafetai ona o le aufaatasi o le afioga i le Peresetene, le VA, ma le toatele o vaega o Fitafita ina ia faia se suiga," faaiuga lea o le saunoaga a Amata.