Faailoa mai e Amata Iloiloga a le Konekeresi e uiga i le Medicaid mo Atumotu

Uosigitone, DC – Aso Gafua, Faailoa e le Tamaitaifaipule ia Aumua Amata o le a usuia se fonotaga a le Komiti atoa mo Alamanuia Faalenatura e taga'i ai i le mataupu o le e faatatau i le Medicaid mo Atumotu (Insular Areas Medicaid Cliff).

Saunoa Amata, "O se mataupu tāua ma ua talafeagai lona taimi mo Amerika Samoa. Ou te faafetai i le taitaiga a le Komiti mo Alamanuia Faalenatura i le faia o le nei iloiloga e faapitoa mo a tatou atumotu ma le Medicaid, e aofia ai la'u uo, le susuga i le Faipule ia Gregorio Kilili Camacho Sablan, o loo avea ma Sui Taitaifono mo Mataupu e faatatau i Atumotu."

Ua valaaulia e le Komiti se vaega o molimau i faafitauli tau Medicaid mai atumotu, e aofia ai Sandra King Young, le Faatonu o le Ofisa Medicaid a Amerika Samoa. Ua faatulaga le nei iloiloga mo le Aso Tofi, Me 23.

Na atofaina mo Amerika Samoa le silia i le $197 Miliona talā o tupe faaopoopo mo le Medicaid mai le ACA i le amataga o Iulai 2011 – e silia i le $100 Miliona talā e le i faaaogaina ma e faaleaogaina pe a uma le tausaga faaletupe. O tupe nei o loo fesoasoani tonu i le Falema'i o le LBJ, o tupe fesoasoani o loo faatupe ai a tatou faletalavai faaitumalo fou, ma ua mafai ai nisi tautua e pei o le porokalama ua loauiloa lea e auina atu ai gasegase i atunuu i fafo. O le a saili i le nei iloiloga mo le Medicaid auala e aga'i ai i luma le faaleleia o le porokalama ma faaauau le faamautinoa o loo maua uma e tagata Amerika Samoa tausiga faasoifua maloloina o loo matuā manaomia.