Faamalo Amata i se Tagata Aoga ua Talia Aloaia i le Aoga a le Ea Fosi

Laumua i Uosigitone – Aso Faraile, Na moei'ula le Tamaitaikonekeresi ia Aumua Amata e faamalo i se tagata aoga, o Serenalia Iona, ua talia mai se tasi o aoga taualoa e a'otau ai mo vaega au a le malo. Na faailoaina atu i le Tamaitaikonekeresi ia Amata o Serenalia Iona ua tuuina atu ai le avanoa e le Aoga a le Ea Fosi a le Iunaite Setete i Colorado, a o faatali le faaiuga o le iloiloga o tulaga o le soifuamaloloina.

Saunoa le Tamaitaikonekeresi ia Amata "E faamalo atu ia Serenalia Iona i lea avanoa matagofie e avea ai ma vaega o tu faatamalii i le Aoga a le Ea Fosi. Na pau auala e mafai ai ona maua nei avanoa o le sili i a'oa'oga ma finafinau e taumafai, e aofia ai le ausia o togi aupito maualuluga."

E le gata i lea, e to'a lua isi tagata aooga ua tuuina atu ai avanoa i aoga amata mo vaega au a le malo: o Dorvida Fuiava ua maua le avanoa mai le aoga amata a le USAFA; ma o Daniel T. McMoore ua maua mai le aoga amata a le Neivi a le Iunaite Setete lona avanoa.

Faaauau le saunoaga a Amata "Tatou te mitamita i a tatou tagata aooga ua onomea ai avanoa e tauivi ai mo nisi o aoga aupito sili o loo maua i totonu o le Iunaite Setete. E faamalo atu ia Dorvida Fuiava ma Daniel McMoore i nei avanoa a o tou filifili i laasaga e sosoo ai mo lo outou lumanai."

Image

O Serenalia Iona lea ua talia e aoga i le USAFA ma le faafetai i lona tinā o Fili Iona (lea e i le ata) ma lana faafetai tuuina atu mo lona tinā lona lua o Elielia Galemoa

O le masina o Ianuari sa faalauiloa ai e Amata se vaega o tagata aooga atamamai e to'a sefulu o ni sui ua faatuina mai e le Konekeresi, e aofia ai tamaitai aooga e toalima ma alii aooga e toalima.

• O Baby-Serenalia May Iona e sau mai le Aoga Maualuga a Leone.
• O Dorvida Fonoifafo Gretalei Fuiava e sau mai le Aoga Maualuga a Manumalo.
• O Daniel T. McMoore e sau mai le Aoga Maualuga a Samoana.

O aoga nei mo vaega au a le malo o ni kolisi feterale ua faatupeina atoa o la latou manulauti o le a'otauina lea o le au mautofi ma ta'ita'i o le lumanai ia tautua i vaega au e faasino tonu ia i latou. O le talia i totonu o nei aoga o se matuā tausinioga tele lava, a o saili e aoga sui tauva e maualuga le mafai ona avea ma ta'ita'i e pei o au mautofi faauuina i totonu o le Ea Fosi a le Iunaite Setete.

O aoga amata e mafai ona taula'i ai a'oa'oga i se vaega se tasi, ma na o tagata aooga e sili ona agavaa o ē ua iloilo e le aoga o se sui lelei mo le aoga i le lumanai.

Faai'u le saunoaga a Amata "Ou te iloa o lea faamanuiaga ua fai ma mitamitaga o lou aiga. Ua e maua le ai mo lau aoga, faiaoga ma alalafaga. O loo pati taoto Amerika Samoa i ana tamafanau a o latou folau e fagota i tai e fia o le soifuaga a sau."