Faamamafa e Amata le Tāua o le Iloiloga a le Konekeresi i le Medicaid mo Teritori o le Iunaite Setete ma le Suesuega i le Maotagasegase a le LBJ
Uosigitone, D.C.- Aso Tofi, Na auai le Tamaitaifaipule ia Aumua Amata i se iloiloga a le Komiti a le Maota i le Enetia ma le Komiti Lagolago a le Fefaatauaiga i le Soifuamaloloina, na iloilo ai auala e faamausali ai tausiga faasoifuamaloloina i Teritori o le Iunaite Setete.
Na faia lea ina ua ma'ea se iloiloga faapea i totonu o le Komiti a le Maota i Alamanuia Faalenatura na faia ia Me 23 lea na molimau ai Faatonu o Medicaid e to'a lima mai teritori, e aofia ai le susuga a Sandra King-Young o le Faatonu o le Medicaid a Amerika Samoa.
Saunoa Amata, "O le nei iloiloga lona lua e uiga i le tulaga faaletonu o le Medicaid o loo feagai ma teritori ua faailoa ai o loo matua taga'i loloto lava le Konekeresi i le muta o tupe Medicaid mo teritori i le aga'i atu i le faaiuga o le tausaga. Faaauau le saunoaga a Amata, "E le gata i lea, o loo faailoa ai o teritori e lima o loo galulue faatasi i le vasega konekeresi ma le kovana i se faavae e autasi ai itufaaupufai e mafai ai suiga aga'i i luma ma faatulaga pili tāua e pei o le maua e teritori o tupe Medicaid e tatau mo i latou."
Na faasilasila e Amata i lana faamatalaga le mae'a o se suesuega i le Maotagasegase a le LBJ ua loa ona tatali. Na maua e le Army Corps of Engineers a le Iunaite Setete na faia le suesuega le i ai o le Maotagasegase i se tulaga faaletonu talu ai ua tausagā. O se kopi o lea ripoti ua lafoina atu i le ofisa o le afioga i le Kovana ia Lolo latou te taga'i ai.
E momoli le faafetai a Amata i le Taitaifono ia Pallone, Taitaifono ia Eshoo, Sui Sinia ia Walden, ma le Sui Sinia ia Burgess mo le tuufaatasiga o lea iloiloga faapea le afioga i le Kovana ia Lolo, le afioga ia Lemanu o loo fai ma Kovana i le taimi nei ma le susuga ia Sandra King- Young o le Faatonu o le Medicaid mo a latou taumafaiga uma e tapena ma auai ai i nei iloiloga.
"E faaauau pea lo matou galulue soosootauau ma le o loo fai ma Kovana i le taimi nei ma lana vaega faatasi ma o'u usogalue o Totino o le Konekeresi e uuna'i pili mo tupe mo la tatou Medicaid ma mana'oga o la tatou Maotagasegase o le LBJ i masina a sau."
###