Faamamalu e Amata le Aso Fanau o le Ea Fosi a le Iunaite Setete

Laumua i Uosigitone – O loo faamamalu e le Tamaitaifaipule ia Uifaatali Amata le aso fanau o le Ea Fosi a le Iunaite Setete talu ona faavae e avea ma Tautua, lea sa aloaia i le aso lenei i le tausaga e 1947. O lana saunoga lea:

"Ua malo fai o le faiva i le Ea Fosi a le Iunaite Setete, ma le Air National Guard! E maoae le talafaasolopito o le Ea Fosi a le Iunaite Setete, ma o loo faalagolago uo ma au a lo tatou atunuu i le mafai atoatoa a le Ea Fosi e fesoasoani e tausi le filemu ma faatumauina le lalolagi uma. O ona po na va tau ai ma e faamatau mai, e aofia ai taumafaiga i Iraq, Afghanistan ma isi nofoaga, sa tumau ma iloga le matafaioi a le Ea Fosi e laolao ai le ea mo a tatou Alii ma Tamaitai Tautua a o latou ui atu i ala e ono fano ai. E taua lava e pei ona masani ai taumafaiga faifai pea a le tatou atunuu i vaalele, faatasi ai ma tekonolosi mo le va nimonimo ma fesootaiga faaonaponei. Ia faamanuia e le Atua le toatele o alii ma tamaitai i le Ea Fosi faapea le Air National Guard ua mafai ai nei taumafaiga, ma faavae ai le faafoega sili i le ea i soo se nofoaga ma soo se taimi e manaomia ai. Na ou maua le avanoa e malaga ai i fono a le Konekeresi i vaalele o loo faafoeina e le Ea Fosi ma ou te matauina lava i taimi uma le sili o le agavaa o i latou. Malo fai o le faiva ma ia manuia lou 74 tausaga! "

###