Faamanatu e Amata le 50 tausaga o le o’o atu o Tagata Malaga i le Vateatea i Amerika Samoa

Uosigitone, D.C. – O le vaiaso nei na tuuina mai ai le saunoaga le nei a le Tamaitaifaipule ia Aumua Amata e uiga i le faamanatuina o le 50 tausaga talu le oo atu o tagata na malaga i le vateatea i le Apollo 10 i Pago Pago ina ua i'u i le manuia la latou malaga ua avea ma vaega tāua i le auiluma o le Porokalama a le Iunaite Setete mo le Vateatea i le 1969:

"Matou te faailogaina ia Me 26 le 50 tausaga o le nei mea maoa'e na tupu i le talafaasolopito o Amerika Samoa. Na pa'ū i le Vasa Pasefika lata ane i Amerika Samoa le Va'a o le Apollo 10 ina ua i'u ma le manuia le malaga i aso e valu, ma na aumaia ai nei tagata malaga toa i lo matou motu matagofie i Pago Pago aua se faamanatuga e faafeiloa'i ai. O le Ta'ita'i o le Apollo 10 le susuga ia Tom Stafford na ia maua talu ai nei se faailoga o lona ausia o se matati'a i lona soifuaga.

"Ua faailoga ai nei le 50 tausaga o malaga sosoo a le Apollo i le 1969 na sui ai le lalolagi. O le malaga aupito ta'uta'ua o le Apollo 11 lea na toai i le masina, ae o masina e lua na muamua, sa faia ai e le Apollo 10 tapenaga aogā e aga atu ai i le masina ma faia faataitaiga uma vagana ai le sesee i le fogaeleele o le masina. O nei mea uma ua tutupu a tuufaatasi o ni matati'a maoa'e ua ausia mo le Iunaite Setete, tagata uma o le lalolagi ma tagata tomai faapitoa o le loo galulue i le taupulega e faia suesuega i le vateatea (NASA).

O le ata matagofie ma le maofa o le Lalolagi lea na pu'eina mai e tusa o le 100,000 maila na maua mai le malaga a le Apollo 10. O le masina le nei, ua faaali ai e le NASA se ata faasolo na pu'eina i se lipine 70 milimita, e le i matamata ai lava se i si o le mamalu lautele, o loo faaali auiliili mai ai le malaga a le Apollo 11 e le vaaia muamua lava. O loo fuafua le NASA, i a latou paketi talosaga o loo Iloilo e le Konekeresi, e fuafua se isi malaga i le Masina i le tausaga 2024, ma amata ona tuliloa se malaga muliumli ane mo Matamemea (Mars).

"Ia faamanuia le Atua i se augatupulaga fou o tagata malaga i le vateatea a o latou tuvae i le sao maoa'e mai le 50 tausaga ua mavae."