Faamanatu e Amata le Aso na i Nomani ma le Taua i le Motu o Midway
Pago Pago – O loo faamanatu i le vaiaso nei e le Tamaitaikonekeresi ia Aumua Amata le Aso na i Nomani (D-Day) ma le taua i le motu o Midway i totonu o le Pasefika. O Iuni 6 e atoa ai le 75 tausaga talu le Aso na i Nomani, ma o loo faamanatuina e malo na aufaatasi i le Taua lona Lua o le Lalolagi. O le vaiaso nei foi (mai le aso 4 e o'o i le aso 7 o Iuni) e atoa ai le 77 tausaga talu le Taua i le Motu o Midway, o se taimi tāua na sui ai alumaga o lea taua i le Pasefika i tausaga e lua a o le i o'o i le Aso na i Nomani.
Saunoaga mai le Tamaitaikonekeresi ia Amata:
O le vaiaso nei e toe faamanatu ai e le lalolagi toa o le Aso na i Nomani (D-Day) lea na oaoa ai le sa'olotoga Europa i sisifo ma toilalo ai au a Siāmani(Nazi). Ua 75 nei o tausaga talu lea osofaiga maoa'e i le talafaasolopito. E ao ia te i tatou ona faafetaia pea i latou na ofo atu lo latou soifua mo lea faamoemoe, a o feagai nisi mo ni tausaga ma le Taua lona Lua o le Lalolagi ina ia o tatou maua se lalolagi filemu e tumau.
"O le Taua i Midway o se taimi tāua lea i le talafaasolopito na sui ai alumaga o taua i le sami i le Vasa Pasefika. Ua tuua i tatou e le toatele na tau i le Taua lona Lua o le Lalolagi ae manatua pea lo latou sao."
O aso faapenei i le talafaasolopito e faamanatu mai ai ina ia tatou aloaia a tatou Fitafita uma ma i latou o loo tautua i le taimi nei, e pei ona taumafai augatupulaga ia maua se aifaasili mo e o atalī.
Le Tamaitaikonekeresi ia Amata i luma o le pou tu a Amerika Samoa o le Maa Faamanatu i le Mataaga a le Atunuu
###