Faataua e Amata le Aso o le Fu’a o le tausga 2021

Laumua i Uosigitone – Aso Lulu, Ua faamanatu e Uifa'atali Amata le Aso o le Fu'a o le tausaga 2021:

"E faamanuia atu le Aso o le Fu'a i lo outou mamalu uma o i Amerika Samoa! O se aso faamanatu taua tele lea i o tatou tagata. O le aso nei (Aperila 17), sa muai sisi ai e o tatou tuaa le tagavai a le malo o Meleke i o tatou motu. Ua faamanatu ai le avea o i tatou ma vaega o le Iunaite Setete faapea le osi o lo tatou va tuunonofo faapitoa ma le Iunaite Setete. E molimau le tele o o tatou aiga o i le militeri ma o le toatele o nai o tatou tagata o loo tautua i tuluiga e fia o le lalolagi ma ua le mafai ona faatasi atu e faamanatu le nei Aso o le Fu'a. E le galo i latou i o tatou manatu. Ua tatou maua le fiafia ona o le faitau selau o nai o tatou tagata ua toe tau i fanua ona o malaga a vaalele e toe faafoi ai. Ua manuia i tatou e leai se tasi o maua i le ma'i o le Covid i o tatou motu. Ou te iloa ua le tutusa le faamanatuina o le Fu'a i le nei tausaga ma tausaga ua mavae ae tele pea mafuaaga e ao ai ona tatou maua le agaga faafetai.

"O Aperila o se masinae tele ai galuega faatino, ma o loo usuia le fono i le Konekeresi i le Laumua i Uosigitone. Talu ona ou pale i le tofi o le uluai taimi lea ua ou le auai atu ai i le faamanatuina o le Aso o le Fu'a, ae le galo oe ia te a'u, o loo faatasi lo'u agaga ma oe! Talosia, pe a tusa ma le finagalo o le Atua e vave ona ou toe foi atu. Ia faamanuia le Alii i tagata uma i le nei Aso o le Fu'a, ma maua le fiafia i lea aso faamanatu."