Faatāua e Amata le atoaga o tausaga o le Taua lona Lua o le Lalolagi

Pago Pago—Ua faamanatu i le vaiaso nei e le Tamaitaikonekeresi ia Aumua Amata le atoaga o le 75 tausaga o le Taua i Saipan e aloaia ai Fitafita ma lona tāua i le talaaga o le Pasefika. Na amata lea taua tāua ia Iuni 13 i se osofaiga ma na tau i fanua ia Iuni 15. O le aso 18 o Iuni na pulea ai e au tau a le Iunaite Setete le malaevaalele ma na manumalo ai i lea taua na maliliu ai le to'a 29,000 o tagata Iunaite Setete.

Na saunoa Amata, "E tele taua mai le Taua lona Lua o le Lalolagi o loo faamanatu i le tausaga nei le atoaga o tausaga, ae o le Taua i Saipan e tele soifua na maumau ai ma o le manumalo na fuafuaina e tatau ai se faamanatuga faapitoa. O le nei Taua ua siitia ai le talaaga o taua a le Pasefika, ae maise lava le lata mai ai o Sapanī i vaaleletau a le Iunaite Setete. E tatau ona tatou manatua ma le mitamita toa o lo tatou atunuu, faapea le pagatia i le maumau o soifua e aofia ai le manomano o tagatanuu. Na ou asia nisi o nei nofoaga Tāua i CNMI, ma e tāua tele le faasaoina o nei nofoaga faapea le faamanatuina."

Na faai'u le saunoaga a Amata faapea, "Ia faamanuia le Atua i a tatou Fitafita, a tatou Alii ma Tamaitai o loo tautua i Vaega Au a le Malo, ma o tatou aiga militeri."

O loo faia i le vaiaso nei se sauniga faapitoa e Uo a le Faamanatuga o le Taua lona Lua o le Lalolagi i le Atunuu mo le Taua i Saipan i le Maafaamanatu i le laumua i Uosigitone, DC, o loo auai ai le au mautofi, Fitafita ma Faalapotopotoga mo Fitafita. O le Maafaamantu o loo i lalo o le tausiga a le Paka Faasao a le Atunuu, faatasi ai ma le vaaiga a le Konekeresi e ala atu i le Komiti mo Alamanuia Faalenatura.

###