Faatāua e Amata le masina e faalauiloa ai le gasegase o le PTSD
Pago Pago – Aso Toonai, Na tuuina mai e le Tamaitaikonekeresi ia Aumua Amata se saunoaga i le faamamaluina o le Masina e Faalauiloa ai le gasegase o le PTSD (Iuni) ma le Aso e Faalauiloa ai le gasegase o le PTSD (Iuni 27):
"E mafai ona avea le gasegase o le PTSD ma mataupu fitā ma e le i oo i se tulaga ua atoa lelei i ai le malamalama. E tāua i tagata lo latou silafia atili ina ia mafai ona latou tali atu mo se uo poo se totino o le aiga e manaomia le fesoasoani. E mafai e lea gasegase o le PTSD ona aafia ai soifua o Vetereni poo nisi na feagai ma tulaga pagatia, e pei o se faalavelave tugā poo le fasia. E lelei o loo i ai fuafuaga e togafitia ai ma auala e fesoasoani ai. Ia faamanuia e le Atua soo se tasi o loo feagai ma auga o le gasegase o le PTSD."
Ia faatupu le silafia, auai, pe saili fesoasoani mo le Gasegase o le Atuatuvale ona sa feagai ma tulaga Pagatia e ala i le amata i nei:
https://www.ptsd.va.gov/understand/awareness/index.asp
###