Fiafia Amata i le maua e le HHS o le $411,385 o Seleni mo le COVID-19

Laumua i Uosigitone – Aso Faraile, Ua fiafia le Tamaitaikonekeresi ia Aumua Amata i le maua o le $411,385 o seleni mai le Tulafono CARES mo Amerika Samoa e ala mai le Matagaluega o Tautua mo Tagata ma le Soifuamaloloina e faataua ai tulaga tau soifuamaloloina.

O nei alamanuia mai le Tulafono CARES e mo le Teritori ina ia galulue faatasi ai ma le Vaega e Faatautaia ma Puipuia mai Ma'i (CDC) e faaitiitia tagata maliu, faalautele suesuega, tulimatai lelei soo se tagata ma'i, vaaia soo se nofoaga poo se faitauga o tagata e maualuga le ono afaina, matauina le mafai o loo i le vaega e gafa ma le soifuamaloloina, ma le taofiofi o le ma'i.

O le lona tolu ai nei o tupe maua mai le Tulafono CARES e faapitoa mai le CDC mo le aofaiga e lata i le $1.5 miliona i seleni a le CDC. I lalo o le Tulafono CARES, o loo tuuina atu e le CDC i le vaiaso nei alamanuia i pulega e 64, e aofia ai Amerika Samoa, e ala atu i le maliliega e feutagai ai i Suesuega e Agavaa ai mo le Puipuiga mai ma le Taofiofia o Ma'i Pesi Alia'e.

Saunoa Aumua Amata "O le Tulafono CARES ua mafai ai ona o'o i se tulaga maualuga tapenaga iloga, ma ua sili ai ona manuia i tatou ona o nei taumafaiga. Ou te fia faafetai atu i le Failautusi o le HHS ia Alex Azar ma le Faatonu o le CDC ia Dr. Robert Redfield, ma le faafetai faapitoa i a tatou lava foma'i ma tagata faigaluega o loo tautua mo le soifuamaloloina o loo faataunuuina nei laasaga uma i totonu o Amerika Samoa."

Saunoa le Failautusi o le HHS ia Azar "O tagata ua i ai le tomai faapitoa o loo galulue i matagaluega o le soifuamaloloina mo tagata lautele i setete, lotoifale, aiga ma teritori o Amerika e taua le latou pitolaau i le puipuiga o tagata Amerika i le vaitau o pesi ai le COVID-19, e ala i le ripotia ma iloilo faamatalaga matauina, sailia o le sosolo o le vairusi, ma le atinaega o taiala faasaienisi e tatau mo tagata o le lotoifale. A o tatou vaai i luma i le toe tatalaina o le tamaoaiga, e tele pea le taua o galuega a nei sui aloaia mo le soifuamaloloina o tagata lautele, ma o le a galulue soosootauau le Taupulega a Trump ma le CDC e fesoasoani ia i latou."

Saunoa le Faatonu o le CDC ia Dr. Redfield "O le a avea ma itu taua i le puipuiga o tagata e faigofie ona lamatia le mafai ona finau e faataunuu le sailia, matauina ma suesuega o fesootaiga a o aga atu le malo e toe tatala ma amata ona toe foi tagata Amerika i o latou soifuaga o aso taitasi."

###