Palota Amata mo le Pili mo Fitafita o le Blue Water Navy, ma ia au i le lagolagoina o Pili e 10 mo Vetereni
Uosigitone, D.C. – Aso Lulu, Na palota le Tamaitaifaipule ia Aumua Amata mo le Pili na autasi ai itu faaupufai mo Fitafita o le Blue Water Navy na tautua i Vietnam, lea na avea ai o ia ma se tasi o sui na lagolagoina ma na pasia lea tulafono e le Komiti a le Maota mo Mataupu tau Vetereni ma o le a tuuina atu e taga'i ai le Maota atoa.
Saunoa Aumua Amata, "E tāua le nei pili e iloa ai mea moni o loo tutupu ma tulaga e ono lamatia ai Vetereni na tautua i ogasami o Vietnam. I le va lelei ma a tatou Vetereni uma, e lagona lo'u loto malie i le vaai atu i le nei taumafaiga e tumau ai lo tatou tausi i ē na faatino lo latou tiute i taimi o taua. O lo'u tuagane sa tautua i le Navy a le Iunaite Setete i le Gulf of Tonkin ma nisi ogasami i le taimi o le taua i Vietnam. O le nei pili e aloaia ai lo latou sāvali ma fesoasoani e faatumau lo tatou tausi i a tatou vetereni uma o loo o tatou nofo aitalafu ai."
Saunoa le Tamaitaifaipule ia Amata i luma o le Maota e lagolago ai Fitafita o le Blue Water Navy
O le pili H.R. 299 e tatala atu ai le fesoasoani mo Fitafita o le Blue Water Navy e masalomia o faama'i o loo maua ai e mafua i vailaau oona e i ai le Agent Orange sa aafia ai a o tautua i ogasami o Vietnam. E sili ona tāua lea pili mo nei vetereni ma le faatumau o le tausiga a le atunuu ua folafola i fitafita.
Na saunoa le Tamaitaifaipule ia Amata i le tausaga ua te'a i luma o le Maota o Sui a le Iunaite Setete e lagolago ai Fitafita o le Blue Water Navy. Na au foi Amata i le lagolagoina o se pili i le 2018 ina ua pasia e le Maota, peita'i, e le i pasia e le Senate a o le i uma le nofoaiga 115 a le Konekeresi, o lea na toe faaulu ai le pili i le tausaga nei ma e toatele o le Maota o loo o latou lagolagoina.
O Pili nei mo Vetereni ua pasia e le Komiti ua autasi ai itu faaupufai na lagolago e Amata ma isi Faipule
- H.R. 2333, Tulafono e fesoasoani i ē Faatulaga le Taofia o le Pule i le Ola
- H.R. 1200, Pili mo le Totogia mo Vetereni i le Toefetuunaiga o le Tau o le Soifuaga
- H.R. 1199, Pili mo le faamaopoopoga o le Website mo Vetereni
- H.R. 95, Pili mo Aiga o Vetereni e leai ni Fale e nonofo ai
- H.R. 2109, Pili BRAVE
- H.R. 2398 (talatala ai le agavaa mo le porokalama mo fale HUD-VASH) Pili mo Fale o Vetereni
- H.R. 2399, Pili o Fale mo a Tatou Toa
- H.R. 2196, Toe Teuteu ai le Tulafono Tusitusia a le Iunaite Setete Ulutala 38, e faaitiitia ai itula mo vasega mo le porokalama Sikolasipi Edith Nourse Rogers STEM a le VA
- H.R. 2326, Pili mo le Navy Seal Chief Petty Officer William Bill Mulder (Ret.) Transition Improvement