Pasia e le Maota Pili mo Vetereni sa Sui Lagolago ai Amata
Uosigitone, D.C. – Aso Lua, Na talia e le Tamaitaifaipule ia Aumua Amata le pasia e le Maota o ni pili mo Vetereni, e aofia ai ni pili na avea ai o ia ma sui lagolago, ma na fai lona sao i se iloiloga a le Komiti e faatatau i le faafitauli o loo tupu pea ma le pagatia o le atunuu ona o Vetereni e pule i o latou ola.
E tolu pili na suilagolago ai Amata na pasia e le Maota: O le H.R. 1200 E fetuunai ai le totogi i le tau o le soifuaga mo Vetereni: o le H.R. 2326 O le Pili a le susuga i le Chief Petty Officer ia William Bill Mulder (ua ritaea) auā faaleleiga mo e ua suitulaga; ma le H.R. 2333, O le fesoasoani mo Ta'ita'i auā le Vaoia o le Pule i le Ola.
Saunoa Aumua Amata, "Lagona lo'u fiafia e lagolago pili ua autasi ai itufaaupufai na faavae mai le Komiti o Mataupu tau Vetereni. O nei taumafaiga taitasi o loo faaleleia ai tulaga o loo manaomia e nisi o a tatou Vetereni e pei ona faailoa i luma o le Konekeresi. O le nei auala ua tatou aloaia ai le latou tautua ma faaauau la tatou tausiga faifaipea mo a tatou Vetereni."
Na tuatuagia le Maota i le feagai ma pili e 18 mo Vetereni na iloiloina i Komiti ma luma o le Maota atoa, na lagolagoina e sui mai itufaaupufai a le Ripapilikana ma le Temokarasi, e aofia ai le pasia o le Pili mo Vetereni a le Blue Water Navy ma isi Pili mo Vetereni i le vaiaso na te'a nei.
Auai le Tamaitaifaipule ia Amata i le Iloiloga Faifaatasi ma le Sui Tofia ia Trent Kelly (agavale) o le Komiti Laititi a Tagatafaigaluega i Vaega Au a le Malo ma le Sui Tofia o le Komiti Laititi m o le Soifuamaloloina mo Vetereni le susuga ia Dr. Neal Dunn.
ILOILOGA: Na auai le Tamaitaifaipule ia Amata i se Iloiloga faifaatasi ma le Komiti Laititi a Vetereni i mataupu tau Soifuamaloloina ma le Komiti Laititi a Vaegaau a le Malo mo Tagatafaigaluega a le Militeri. Ua ulutala le nei Iloiloga faifaatasi o le "Pule i le ola i le Militeri ma Vetereni: O le iloa o faafitauli ma tapena mo le lumanai. Na faafofoga nei Komiti Laiti i molimau mai le Matagaluega o Puipuiga (Department of Defense) ma le Matagaluega mo Vetereni, e aofia ai ma le foma'i o loo vaaia aiaiga mo le soifuamaloloina faalemafaufau mo le Pentagon, ma le foma'i o loo fai ma Faatonu Sili i le Matagaluega mo Vetereni i le Vaoia o le Pule i le Ola.
Saunoa Amata, "E momomo ai le loto pe a manatu i se Vetereni o loo feagai toatasi ma puapuaga. Ua sauni i latou e tau mo le malo pe a valaauina. O nisi la o nei Vetereni o loo feagai pea ma tauiviga i o latou soifuaga. Out e faafetaia ai le faatāua ua ave i le nei mataupu aogā."
O Pili nei na autasi ai itufaaupufai mo Vetereni na pasia e le Maota i le Aso Lua:
- H.R. 1812 – Agavaa e Faalautele ai le Maota Autū mo Vetereni (Lagolagoina e le Faipule ia Phil Roe /Komiti o Mataupu mo Vetereni)
- H.R. 2359 – Toeteuteuga o le Whole Veteran Act, (Lagolagoina e le Faipule ia Conor Lamb / Komiti o Mataupu mo Vetereni)
- H.R. 1947 – E toeteuteu ai le ulutala 38 o Tulafono Tusitusia a le Iunaite Setete ia le aofia ai tupe mai matagaluega a le feterale o loo ave aga'i i Matagaluega o Mataupu mo Vetereni auā faalapotopotoga e le maua ai ni porōfiti na faavae i lalo o le vaega IV o le maga 73 o lea ulutala mai tapulaa o le pili mo le tamaoaiga, e pei ona toe teuteuina (Lagolagoina e le Faipule ia Phil Roe /Komiti o Mataupu mo Vetereni)
- H.R. 2326 - Navy Seal Chief Petty Officer William Bill Mulder (Ret.) Transition Improvement Act of 2019 (Lagolagoina e le Faipule ia Mike Levin / Komiti o Mataupu tau Vetereni)
- H.R. 2333 – Fesoasoani i Taitai mo le Vaoia o le Pule i le Ola (Lagolagoina e le Faipule ia Anthony Brindisi / Komiti o Mataupu mo Vetereni)
- H.R. 2340 - FIGHT Mataupu o le Pule i le Ola i Vetereni (Lagolagoina e le Faipule ia Max Rose / Komiti o Mataupu mo Vetereni)
- H.R. 1200 – Totogi mo Vetereni mo le Fetuunaiga o le Tau o le Soifuaga 2019 (Lagolagoina e le Faipule ia Elaine Luria /Komiti o Mataupu mo Vetereni)
- H.R. 2372 – Maopoopo le Tausiga lelei mo Vetereni (Lagolagoina e le Faipule ia Lauren Underwood / Komiti o Mataupu mo Vetereni)
- H.R. 2045 – Aoga mo Vetereni, Suitulaga, Fuafuaga e Faamuamua ai Avanoa 2019 (Lagolagoina e le Faipule ia Brad Wenstrup / Komiti o Mataupu mo Vetereni)