Pasia e le Maota Toeteuteuga a Amata mo le $18 Miliona e fesoasoani ai Meataumafa mo Amerika Samoa
Uosigitone, DC – Aso Faraile, Na faaulu e le Tamaitaifaipule ia Aumua Amata se toetueteuga ia faaopoopo ai le tupe fesoasoani mo meataumafa mo Amerika Samoa ona o aafiaga o le Afā o Gita i le $18 Miliona ma na pasia e le Maota le toeteuteuga a Amata i le fofogaina o a latou palota ua avea ai le nei aofaiga fou ma vaega o le pili..
O le nei faatinoga ua sii ai le aofaiga e fesoasoani i meataumafa mo Amerika Samoa i totonu o le tulafono e fesoasoani i le mafatia mai faalavelave ogaoga, H.R. 2157 mai le $5 miliona talā na i ai muamua (e pei ona maua mai i se isi toeteuteuga na faaulu e Amata i le amataga o le tausaga nei) aga'i atu i le $13 miliona ua faaopoopoina mo le aofai fou e $18 miliona.
Uunai e le Tamaitaifaipule ia Amata lana Toeteuteuga $18 miliona i luma o le Maota.
Saunoa Aumua Amata, "O le nei $18 miliona e fesoasoani i meataumafa atoa ai ma le 100 pasene o le Medicaid mo le Malo o Amerika Samoa i le 2019 e tusa ma le $10 miliona, o le a fesoasoani i mafatiaga o feagai ma o matou tagata ma tautua le atunuu ma le malo e pei o lana masani e faia mea sili. Sa ou toe faamanatu i le Konekeresi le maualuga o le faitauaofai o o tatou tagata o loo ulufale atu i vaegaau a le malo faapea le tele o tulaga faaleagaina ona o le afā malosi o Gita."
O le afiafi o le Aso Lua na molimau ai le Tamaitaifaipule i lana toeteuteuga i luma o le Komiti a le Maota ma na mulimuli ane faia le faaiuga a le Komiti i lana toeteuteuga ma auina atu ai mo le silasila a le Maota atoa i le Aso Faraile.
Molimau le Tamaitaifaipule ia Amata i luma o le Komiti o Tulafono i lana Toeteuteuga mo le Fesoasoani i Meataumafa
Saunoa le Tamaitaifaipule ia Amata, "E faafetai i le Afioga i le Kovana ia Lolo Moliga ma lana vaega mo le fesoasoani tainane le toatele o sui maualuluga o le Konekeresi mai itufaaupufai e lua na latou lagolago sua.
O lea ua aga atu le pili a le Maota i le Senate. O se toeteuteuga lata mai nei o le pili a le Senate o loo aofia ai le $5 miliona mo meataumafa mo Amerika Samoa.
O le Tamaitaifaipule ia Amata i le vaiaso nei ma le Taitaifono ia Jim McGovern, sa iloga lona sao i le fuafuaga mo meataumafa a le atunuu.