Saunoa Amata e aloaia ai le Aso o Martin Luther King Jr. 2021
Laumua i Uosigitone – Aso Toonai, O le saunoaga lea a le Tamaitaikonekeresi ia Uifaatali Amata e faamanatu a'i le Aso o Martin Luther King Jr.:
"Ua talafeagai le faamanatuina o le soifua ma le sao o Dr. Martin Luther King Jr. i le nei tausaga ma e ao ai ona tatou tutū ma manatunatu. Ua tau mai i ona aso nei i tala faasalalau ma uiga faapolokiki ana upu e pei ona mamanuina i luga o la tatou malae o mālo (National Mall). O le sao o Dr. King i auala filemu ua ala ai suiga mausali. Na ia pulunaunauina tagata ma liliu o latou manatu ma loto. E ao nei i lo tatou malo ona toe gauai i lea faautautaga.
(file) O le aso na tatala ai le nofoaiga 116 a le Konekeresi, a o talanoa atu i se sui iloga o aia o tagata lautele le alii Faipule ua maliu ia John Lewis, na savavali faatasi ma Dr. King.
"Na saunoa Dr. Martin Luther King Jr. i se taimi ua tuanai, ‘O le faia o le mea tonu e tatau lea i taimi uma.' E tatau ona tatou faataua pea solo tetee i ala filemu, ma faasao le aia o tagata o loo puipui e le faavae e mafai ai ona faapotopoto, ae e tatau i nei faapotopotoga ma solo tetee ona filifili le ala sa'o, faapei ona faia e Dr. King.
(file photo) Amata ma Dr. Alveda King, o le tei (niece) o Dr. Martin Luther King Jr.
"Na faamoemoe Dr. King e faamaopoopo tagata ae le o le vavaeina. E ao ia i tatou ona faaauau lona sao mo le gatasi o le faatatau. Ua faamanatu mai e le aso nei le taua o le alofa atu i o tatou tuaoi ma faia a tatou finauga faalemalo i le loto gatasi, filemu ma le mataalofa."
###