Saunoa Amata i se Taumafaiga Fou e Fesoasoani i le Tamaoaiga e Amata i totonu o le Konekeresi

Laumua i Uosigitone – Aso Faraile, Ua tuuina mai e le Tamaitaikonekeresi ia Aumua Amata se faamatalaga e uiga i taumafaiga i totonu o le Konekeresi e aga'i se taumafaiga fou e fesoasoani i le tamaoaiga:

"Na pasia e le Konekeresi pili fesoasoani tau coronavirus e fa talu Mati – e tele lava ina aufaatasi ai itufaaupufai – e tusa ma le $2.8 tiliona le aofa'i. O se vaega o nei fesoasoani o loo faagasolo le aga atu mo Amerika Samoa, e aofia ai siaki fesoasoani ma fesoasoani mo ē le faigaluega. O le palota a le Maota i le asō ua faailo ai le amataga o se faasologa e taga'i ai i le isi taamilosaga o fesoasoani o le a sosoo ai. E le o ō gatasi le futia ma le umele i le Senate ma le Maota i le taimi nei. Ou te talitonu a o'o i taimi e tali atu ai le malo aoao i pagatia, e tatau ona autasi finagalo o itufaaupufai e lua ma taula'i i manaoga manino. O lea tatou te feagai faatasi ma le nei ma'i pesi.

"E tumau pea lo'u faamoemoe o sina laolao ma le lava papale e solo ai le lavalima i se pili e mafai ona galulue ai. Pau le ala e aga ai i luma o le taunuu i se pili e au tasi ai finagalo o itufaaupufai, ma ou te uunaia a'u soatau ia faagaoioi feutagaiga e taula'i i tulaga o loo manaomia e le tamaoaiga ma le soifuamaloloina a o feagai ma le ma'i pesi. E tatau i nei faaiuga ona taga'i i pisinisi laiti, ē ua afaina galuega, tagata e maulalo le tupe maua, ae maise lava atunuu e i ai manaoga moni tau tamaoaiga e mafua ona o le faitau aofa'i ma le tu motu ese, e pei o Amerika Samoa. E tatau i le Konekeresi ona saili ala e finagalo au tasi ai itufaaupufai i le aga'i i luma ia aofia ai nei tulaga e faavae i tulaga moni e manaomia ai le fesoasoani i le tamaoaiga, soifuamaloloina ma mea taumafa."

###