Tali sapai e Amata Tupe mo Tuipuipuia o Tamaiti mo Amerika Samoa
Uosigitone, D.C. – Aso Lulu, Na talia e le Tamaitaikonekeresi ia Aumua Amata se vaega tupe mai le feterale mo le tausiga faasoifuamaloloina mo Amerika Samoa mai le Matagaluega mo le Soifuamaloloina ma Tautua mo Tagata a le Iunaite Setete.
O le vaega tupe e tuufaitalia e $588,815 na tuuina atu i le Matagaluega o le Soifuamaloloina a Amerika Samoa mai le Vaegatutotonu e Vaaia ma Vaoia Faama'i (CDC), o se matagaluega i totonu o le Vaega o le Soifuamaloloina ma Tautua mo Tagata (HHS). O lea vaega tupe o loo faatupeina ai tuipuipuia mo tamaiti.
Saunoa Aumua Amata, "O lea vaega tupe o le a maua ai le fesoasoani o loo matua manaomia mo a tatou taumafaiga faalotoifale ina ia puipuia ai a tatou fanau mai ma'i e afaina ai. Ae le gata i lea, o vaega tupe uma faapea mai le feterale, ua maua ai e tatou tamaoaiga e tele tatou te puipuia ai alamanuia aupito taua a le teritori- o a tatou fanau.E momoli le faafetai i le Failautusi a le Matagaluega mo le Soifuamaloloina ma Tautua mo Tagata ia Alex Azar, Faatonu sili a le CDC ia Dr. Robert Redfield, Faatonu sili ia Motusa Tuileuma Nua ma Faraitoafa Utu mo le latou faatautaiga."