Talia e Amata faasilasilaga a le CMS, ma Fesiligia e Totino o le Konekeresi Faatonu o Medicaid a Teritori i se Iloiloga

Uosigitone, D.C. – Aso Tofi, Na talia e le Tamaitaifaipule ia Aumua Amata le tala ua talia e le Ta'ita'i o le Ofisa Tutotonu mo le Medicare ma le Medicaid ia Seema Verma le talosaga e mafai ai e Amerika Samoa ma isi Teritori ona faaaoga se aofaiga o tupe totoe mai le ACA na faatulaga e faamuta ia Tesema o le tausaga nei. O le masani na sau ai e mua'i faaaoga e Amerika Samoa le tupe maua faaletausaga a o le i faaaogaina le tupe fesoasoani lea.

O le faaiuga a le Ta'ita'i ia Verma na tolauina i le Aso Tofi i se Iloiloga a le Konekeresi ua maua tonu ai e Amerika Samoa se faasilitofo mo le porokalama Medicaid o le 2019. Ua mafai ai e le Teritori ona faaaoga tupe mai le Vaega 1323 (e $16.5 miliona i le amataga) a o le i faaaoga tupe maua faaletausaga. E le faatatau lea i le vaega tupe tele o le 2005 lea lava e faamuta pe a uma Setema.

Saunoa le Tamaitaifaipule ia Amata, "e faafetai i le Ta'ita'i o le CMS ia Seema Verma i lana faaiuga aogā o le a maua ai se faaleleiga mo le nei tausaga.

Image

Le Tamaitaifaipule ia Amata ma le Ta'ita'i ia Seema Verma o le Ofisa Tutotonu a le Medicare & Medicaid

Na auai foi le Tamaitaifaipule ia Amata i se Iloiloga a le Komiti atoa a Alamanuia Faalenatura e Iloilo ai faafitauli tau Medicaid ua loa ona feagai ai ma Tertitori e lima o le Iunaite Setete, ma na fesiligia ai e Totino o le Konekeresi Faatonu o Medicaid a Teritori. O le alii Faipule ia Gregorio Kilili Camacho Sablan na faatautaia le iloiloga, o ia le Sui Taitaifono i Mataupu e faatatau i atu motu.

Image

Saunoa le Tamaitaifaipule ia Amata i le Iloiloga e faatatau i le Medicaid.

Saunoa Aumua Amata, "O le tupe maua a le Medicaid mai le ACA ua faatulaga e muta i le tausaga nei. O le a afaina ai Amerika Samoa ona o le leai o se fofō tau seleni ma ou te mautinoa e faapea foi isi teritori. O le ulua'i tupe maua na atofaina e le ACA na mafai ona faaaogaina ia Iulai o le 2011, a o le i filfilia a'u faapea le toatele o i tatou nei i le Konekeresi."

O Faatonu o Medicaid mai Teritori taitasi na molimau:

• Ms. Esther L. Muna, Chief Executive Officer, Commonwealth of the Northern Mariana Islands Healthcare Corporation
• Ms. Helen C. Sablan, Director, Commonwealth of the Northern Mariana Islands State Medicaid Agency
• Ms. Maria Theresa Arcangel, Chief Administrator, Guam Division of Public Welfare
• Ms. Michal S.A. Rhymer-Browne, Assistant Commissioner, U.S. Virgin Islands Department of Human Services
• Ms. Sandra King Young, Medicaid Director, American Samoa Government
• Ms. Angela Avilá, Executive Director, Puerto Rico State Health Insurance Administration