Talia e Amata le $45.6 Miliona o Seleni mai le Tulafono CARES mo Aoga
Laumua i Uosigitone – Aso Tofi, Ua talisapai e le Tamaitaikonekeresi ia Aumua Amata le $45.6 miliona o tupe feterale mai le Tulafono CARES e lagolagosua i aoga i totonu o Amerika Samoa e ala atu i Seleni e Faamausali ai A'oa'oga.
O tagata e tomai faapitoa i tulaga tau a'oa'oga mai Amerika Samoa i le tausaga ua te'a, e aofia ai le Faatonu ia Dr. Ruth Matagi-Tofiga, na asiasi atu i le Matagaluega o Aoga a le Iunaite Setete i le Laumua i DC
E aofia i le Tulafono CARES le Seleni e Faamausali ai Aoga, lea e maua ai le $30.75 piliona i le atunuu atoa e lagolago ai vasega K-12 ma vaega o aoga maualuluga i masina a sau.
O lea seleni e aofia ai le aofai tuufaatasi e tusa ma le $154 miliona mo le Virgin Islands, Kuameni, Amerika Samoa ma le Atu Mariana i Matu, lea o le a tufaina i nei vaega o atu motu e fa e fua i luga o a latou lava manaoga e pei ona faamaonia e le Failautusi o Aoga ia Betsy DeVos.
O lea faatulagaga ua maua ai e Amerika Samoa le $45,594,123 mo aoga e ala atu i le Tulafono CARES. O lea aofaiga o loo i totonu o porokalama e lua, $7,272,191 mo le porokalama a le Kovana e Faaleoleo e Fesoasoani ai i Aoga poo le GEER, ma le $38,321,932 i lalo o le Seleni e Fesoasoani mo Aoga Tulaga Muamua ma le Lua poo le ESSER mo Matagaluega a Aoga a Setete poo le SEA.
E tusa ai ma lea faatulagaga, o nei aofai mo Amerika Samoa e maualuga atu i lo CNMI poo USVI, ae maulalo ifo i lo Kuameni, lea e sili atu lo latou faitau aofai, e pei ona faaalia i nei (Faamaumauga mai:DOE/DOI) i totonu o lea vaevaega:
NOFOAGA TUMAMAO | AOFAIGA O LE FAAILOGA | AOFAI MO KOVANA E FUA I LE FOMULA MO SELENI TAU GEER |
AOFAI MO SEA E FUA I LE FOMULA MO SELENI TAU ESSER |
|
|
|
|
AOFAI | 153,750,000 | 30,750,000 | 123,000,000 |
|
|
|
|
AMERIKA SAMOA | 45,594,123 | 7,272,191 | 38,321,932 |
KUAMENI | 54,021,960 | 12,499,963 | 41,521,997 |
ATU MARIANA I MATU | 27,940,945 | 4,777,211 | 23,163,734 |
VIRGIN ISLANDS | 26,192,972 | 6,200,635 | 19,992,337 |
|
|
|
|
Faaauau le saunoaga a le Tamaitaikonekeresi ia Amata "E faafetai atu i le Peresetene ia Trump ma le Failautusi ia DeVos. Tatou te vaai agai se lumanai ua te'a ai i tua lea ma'i pesi ma ua alu i le atoa aoga. Ae mo le taimi nei, e mafai lava ona tatou galulue faatasi ia o'o ai i luma."
O aofaiga e maua e setete taitasi e tele le eseesega e tusa o vaega (share) o le Ulutala I ma tagata aoga e maua le Pell Grant o loo aooga i setete taitasi.
Na ese le faatatau i lalo o le fomula na faaaoga mo Puerto Rico, Itulagi o Columbia ma setete e 50 ona e tele atu lo latou faitauaofai nai lo isi motu teritori.
###