Talia e Amata le silia i le 2.5 miliona o seleni mai le Tulafono CARES mo Fai Faiva o Amerika Samoa

Laumua i Uosigitone – Aso Tofi, Ua talia e le Tamaitaikonekeresi ia Aumua Amata le $2,553,194 o seleni mai le Tulafono CARES i fesoasoani tau coronavirus mo fai faiva o Amerika Samoa.

O lea tala fou o le vaega o se faasalalauga faalauaitele mai le Failautusi o Fefaatauaiga ia Wilbur Ross ua atofaina ai le $300 miliona e fesoasoani i fagotaga. Ua tuuina mai e le Konekeresi lea seleni i le Vaega 12005 o le Tulafono CARES, i Setete, Tagata o Ituaiga, ma Teritori e i ai a latou au fai faiva i le gataifale ma le sami ua afaina i aafiaga o le COVID-19.

Saunoa Aumua Amata "E faafetai i a tatou fai faiva matapala o loo maua ai ai o le tai a le atunuu. O se vaega o lo tatou puipuiga faalauaitele le mautu o meataumafa. E tāua a tatou pisinisi fagota, ma ua feagai nei ma faafitauli ma le sii o tau ona o le ma'i pesi. E faafetai atu i le Peresetene ia Trump ma le Failautusi ia Ross mo lea fesoasoani."

Image

O le Tamaitaikonekeresi ia Amata ma le Failautusi o Fefaatauaiga iaWilbur Ross (file photo)

Ua faasalalau mai e le NOAA o le a faaaoga e le matagaluega nei seleni ua atofaina e fai ai ni faailoga ina ia tali atu ai i aafiaga tonu tau fagotaga faapea aafiaga i soifuaga, aganuu ma tu masani e fesootai ma le COVID-19.

O au fai faiva e agavaa mo seleni – e aofia ai Tagata o Ituaiga, pisinisi tau fagotaga, pisinisi fagota faakonekarate, o faatinoga tau faatoaga i'a e agavaa, vaega gaosi, ma isi pisinisi tau fagotaga – e tatau ona galulue ma a latou matagaluega o loo faatautaia fagotaga, Teritori, poo Tagata o Ituaiga ia malamalama ai i faiga e talosaga ai mo nei seleni.

O le a maua i se taimi lata mai nisi faamatalaga mai le Matagaluega o Fefaatauaiga i nei NOAA Fisheries COVID-19 Updates

Aotelega o Tupe Atofaina*:

###