Talia e Amata Tupe e faalelei ai tulaga o le suavai taumafa mo Amerika Samoa

Uosigitone, DC – Aso Lulu Talia e le Tamaitaifaipule ia Aumua Amata tupe mai le feterale e faalelei ai tulaga o le suavai taumafa mai le Matagaluega e Puipuia le Siosiomaga (EPA). O se vaega tupe e $154,000 ua avanoa mo Amerika Samoa e ala mai le nei porokalama, o loo galulue e faalelei le suavai taumafa i le atunuu atoa. O le nei tulafono mo porokalama patino faapenei a le EPA e pogai mai le Tulafono ua pasia e faalelei ai tulaga o le Suavai Taumafa mo le Atunuu (WIIN Act).

Saunoa Amata "Ua ou fiafia i le talia o nei tupe mai le feterale auā suavai taumafa a nai o tatou atu motu." "Tatou te faalagolago i tupe mai le malō feterale mo lo tatou Teritori ma e faafetaia ai le nei fesoasoani. E faafetai faapitoa i le sui o le EPA le susuga ia Andrew Wheeler ma e faamalo atu ia i latou uma i Amerika Samoa na auai i le nei taumafaiga."

Ua faataua e le Matagaluega e Puipuia le Siosiomaga(EPA) a le taupulega a le afioga ia Trump faiga faaonaponei e faalelei ai tulaga ua tuai i suavai taumafa ma faatupe porokalama e faaitiitia ai mea o loo faaleagaina le suavai taumafa. Na faavae e le tulafono e faalelei ai le suavai taumafa i le atunuu atoa (WIIN) ni porokalama fou e lua a le EPA mo suavai taumafa ua maua ai tupe mai le feterale e tusa o faamatalaga mai le EPA. E aofia ai porokalama a le EPA e su'e ai le suavaitaumafa i aoga ma tausiga o tamaiti ma le fesoasoani mo atunuu e laiti ma latou te manomia le fesoasoani.

O loo maua i le website a le EPA le aofaiga o tupe atofaina mo porokalama e lua mo le Teritori. E ao i le Teritori ona tuuina atu fuafuaga o galuega ua faataatia i le EPA ina ia faamaonia ma faatupeina. O le a faailoa foi e le EPA i nai masina i le lumanai faamatalaga auiliili e uiga i tupe maua mai se isi porokalama fou ua ofoina atu e faaitiitia le u'amea o le lead i suavai taumafa.

Saunoa le susuga Andrew Wheeler, se tasi o ta'ita'i o le EPA i se faasalaluga, "O loo gaua'i le EPA e faamautinoa le maua e tagata Amerika uma, tusa lava poo le a lo latou tuatusi, suavai taumafa mamā ma saogalemu." "Ona o nei tupe, ua mafai ai e le EPA ona faataunuu lana manulauti autū o le tuuina atu o alamanuia e manaomia i setete, faalapotopotoga, ma teritori ina ia puipuia ai fanau mai tulaga le mamā ma ia mautinoa le maua e aiga Amerika uma le suavai taumafa e saogalemu."

###