Toe manatu i le aso 11 o Setema
O tausaga uma i le aso 11 o Setema tatou te tu ma toe manatu ai i le manomano o soifua na maumau i lea aso i le 2001, faapea le maoa'e o le loto toa o le au tineimu, leoleo, ma e ulua'i tali i faalavelave ma pasese na i luga o le vaalele Faigamalaga 93. E manatua e i tatou uma o fea na tatou i ai i lea aso ma lo tatou uluai iloa o nei osofaiga i si o tatou atunuu, se i vagana ai i latou sa laitī lava. Sa ou i le Laumua i Uosigitone ma ou te manatua lelei lava le vaai atu i le asu uliuli o loo alu a'e i le lagi mai le Pentagon o loo lata ane.
"E manatua foi e i tatou le lagona sili o le aufaatasi, faatuatua ma le fatuaigatausi i le malō na tatou matuā lagonaina i le 18 tausaga ua mavae. Ia tatou o se atunuu e tasi ona o gatasi le futia ma le umele tusa pe ta'i tuapola felafoaiga, ma ia tatou manatua pea le Atua mo se faatonu folau. O nei ma aso uma lava, e momoli le faafetai faapitoa i soo se tasi o loo tautua pe na tautua i totonu o le tatou militeri poo totonu o lo tatou atunuu o i latou e uluai tali i faalavelave poo e faamalosi tulafono.
###