Fa'asalalauga Aloa'ia
Uosigitone, D.C. – Aso Lulu, Na talia e le Tamaitaifaipule le vaaiga muamua i le pili a le Maota mo Tupe Atofa a le Initeria, o loo aofia ai lana talosaga ua sosoo tausaga e tolu o faia pea e sii ai le tupe maua mo Amerika Samoa, e $2.5 miliona e sili ai i le paketi talosagaina a le feterale mo le Malo o Amerika Samoa.
Uosigitone, D.C. – Aso Lua, Na talia e le Tamaitaifaipule ia Aumua Amata le pasia e le Maota o ni pili mo Vetereni, e aofia ai ni pili na avea ai o ia ma sui lagolago, ma na fai lona sao i se iloiloga a le Komiti e faatatau i le faafitauli o loo tupu pea ma le pagatia o le atunuu ona o Vetereni e pule i o latou ola.
Uosigitone, D.C. – O le vaiaso ua te'a nei na fono ai le Tamaitaifaipule ia Aumua Amata ma le Komiti mo Alamanuia Faalenatura faatasi ma le Failautusi o le Initeria ia David Bernahardt i le paketi ma aiaiga, ma na faamamafa ai e le tamaitaifaipule manaoga tau fagotaga o Amerika Samoa.
Uosigitone, D.C. – Na lagona le faatauvaa o le Tamaitaifaipule ia Aumua Amata e saunoa ai e aloaia Vetereni Tamaitai i se sauniga faapitoa e ave ai le faiteu mo le Faamanatuga o Tamaitai i le Militeri e Tautua mo Amerika sa faia i le fanuatanu a le atunuu i Arlington
Uosigitone, D.C. – Aso Lulu, Ua talia e le Tamaitaifaipule ia Aumua Amata le pasia e le Maota o le pili na autasi ai itu faaupufai mo Vetereni a le Vietnam Blue Water Navy, lea na avea ai o ia ma se tasi o sui lagolago ma ia sapaia i se palotaga a le Komiti i le vaiaso ua te'a.
Uosigitone, DC – Aso Faraile, Na faaulu e le Tamaitaifaipule ia Aumua Amata se toetueteuga ia faaopoopo ai le tupe fesoasoani mo meataumafa mo Amerika Samoa ona o aafiaga o le Afā o Gita i le $18 Miliona ma na pasia e le Maota le toeteuteuga a Amata i le fofogaina o a latou palota ua avea ai le nei aofaiga fou ma vaega o le pili..
Uosigitone, DC – Aso Gafua, Faailoa e le Tamaitaifaipule ia Aumua Amata o le a usuia se fonotaga a le Komiti atoa mo Alamanuia Faalenatura e taga'i ai i le mataupu o le e faatatau i le Medicaid mo Atumotu (Insular Areas Medicaid Cliff).
Uosigitone, DC – Aso Lulu, O le Tamaitaifaipule ia Aumua Amata o se tasi lea o uluai sui lagolago i pili e lua mo fagotaga na iloiloina i se fonotaga a le Komiti mo Alamanuia Faalenatura faapea se pili a le Pasefika na autasia ai itu faaupufai e uiga i aiaiga faaleaoaoga.